'शासन आपल्या दारी' हा उपक्रम सर्वसामान्यांच्या सोयीसाठी - मुख्यमंत्री

 

मुंबई (वृत्तसंस्था) : सर्वसामान्य नागरिकांच्या सोयीसाठी 'शासन आपल्या दारी' हा उपक्रम राबवला जात असल्याचं मुख्यमंत्री एकनाथ शिंदे यांनी सांगितलं. गडचिरोलीत काल 'शासन आपल्या दारी' उपक्रमाचं उद्घाटन मुख्यमंत्र्यांच्या हस्ते झालं त्यावेळी ते बोलत होते. या उपक्रमाद्वारे ६०० कोटी रुपयांच्या योजनांचा लाभ देण्यात येत असून, हे ऐतिहासिक काम असल्याचं मुख्यमंत्री म्हणाले. गडचिरोली जिल्ह्यातल्या कोनसरी इथल्या लोहप्रकल्पातून २० हजार गरजूना रोजगार मिळणार असल्याचं मुख्यमंत्री शिंदे यांनी सांगितलं.

उपमुख्यमंत्री अजित पवार यांनी यावेळी बोलतांना, गडचिरोली जिल्ह्यातली रिक्त पदं लवकरच भरण्यात येतील असं सांगितलं तर उपमुख्यमंत्री देवेंद्र फडणवीस यांनी गडचिरोली जिल्ह्यात औद्योगिक क्रांती आणण्याचा संकल्प सरकारनं केला असून, वैद्यकीय महाविद्यालयासाठी १४६ हेक्टर जागा प्रस्तावित केल्याचं सांगितलं. गडचिरोली इथं विमानतळ व्हावं यासाठीचा प्रस्ताव विमानतळ प्राधिकरणाकडे पाठवल्याची माहितीही फडणवीस यांनी दिली. मुख्यमंत्री सौर कृषी वाहिनी योजना दोन वर्षात कार्यान्वित होणार असून, त्यांतर शेतकऱ्यांना पूर्णवेळ पाणी मिळेल असंही त्यांनी यावेळी सांगितलं. 

Popular posts
सिक्कीममधील पुरात १४ जणांचा मृत्यू, १०२ जण बेपत्ता
Image
‘वसुधैव कुटुंबकम्’चे उद्दिष्ट गाठण्यासाठी योग सहाय्यक - राज्यपाल
Image
करगिल युद्धातील विजयाच्या २२ व्या स्मृतीदिनानिमित्त देशभर विविध कार्यक्रमांद्वारे हुतात्म्यांना अभिवादन
Image
दावा न केलेल्या ठेवी शोधून त्या लाभार्थ्यांना परत मिळवून देण्यासाठी केंद्रीकृत संकेतस्थळ विकसित करण्याची भारतीय रिझर्व बँकेची घोषणा
Image
'इंद्रायणी स्वच्छता' जनजागृती मोहिमेअंतर्गत रीव्हर 'सायक्लोथॉन २०२२' रॅलीचे रविवारी आयोजन
Image