विविध अभ्यासक्रमांच्या सीईटीसाठी ११ मे पर्यंत ऑनलाइन अर्ज दाखल करता येणार

 

नवी दिल्ली (वृत्तसंस्था) : तंत्र शिक्षण विभागाकडून २०२२-२३ या शैक्षणिक वर्षासाठी घेण्यात येणाऱ्या विविध अभ्यासक्रमांच्या राज्य सामायिक प्रवेश परीक्षेसाठी ऑन लाईन नोंदणी प्रक्रियेला ११ मे पर्यंत मुदतवाढ देण्यात आली आहे. 

सी ई टी परीक्षांच्या सुधारित अंदाजित वेळापत्रकानुसार प्रथम वर्ष अभियांत्रिकी आणि औषधनिर्माण प्रवेश परीक्षा ५ ते २० ऑगस्ट दरम्यान, एम बी ए आणि एम एम एस प्रवेश परीक्षा २३ ते २५ ऑगस्ट दरम्यान, एम सी ए  प्रवेश परीक्षा ४ आणि ५ ऑगस्टला, पद्व्यूत्तर स्थापत्यशास्त्र आणि हॉटेल व्यवस्थापन  प्रवेश परीक्षा २ ऑगस्टला तर पदवी हॉटेल व्य्ववस्थापन  प्रवेश परीक्षा २१ ऑगस्टला  होणार आहे, असं शासनानं एका पत्रकाद्वारे जाहीर केलं आहे.