इंधन दरवाढी विरोधात विरोधी पक्षांनी केलेल्या गदारोळामुळे राज्यसभेचं कामकाज तहकूब

 


नवी दिल्ली (वृत्तसंस्था) : इंधन दरवाढी विरोधात विरोधी पक्षांनी केलेल्या गदारोळामुळे राज्यसभेचं कामकाज आज दुपारी २ वाजेपर्यंत तहकूब करण्यात आलं. सकाळी सदनाचं कामकाज सुरु होताच ते, स्थगित करण्याची काँग्रेस, तृणमूल, डावे आणि द्रमुकच्या सदस्यांनी केलेली मागणी सभापती एम. व्यंकय्या नायडू यांनी फेटाळली. सभासदांना वित्त विधेयकावर चर्चा करण्याची संधी असून, ते इंधन दरवाढीच्या विषयावर चर्चा घडवू शकतात, असं नायडू यांनी सांगितलं. त्यावर विरोधी पक्षांच्या सदस्यांनी गोंधळ घातल्यामुळे सभागृहाचं कामकाज दुपारी १२ वाजेपर्यंत तहकूब करण्यात आलं होतं. कामकाज पुन्हा सुरु होताच काँग्रेस, तृणमूल, डावे आणि द्रमुकच्या सदस्यांनी हौद्यात उतरुन घोषणाबाजी द्यायला सुरुवात केली. गदारोळ सुरु असूनही उपसभापती यांनी सभागृहाचं कामकाज पुढे सुरु ठेवण्याचा प्रयत्न करत प्रश्नोत्तराचा तास घेण्याचा प्रयत्न केला. मात्र गदारोळामुळे कामकाज दुपारी दोन वाजेपर्यंत तहकूब करावं लागलं. तत्पूर्वी आसाम, केरळ आणि नागालँडमधून निवडूण आलेल्या सहा नवीन राज्यसभा सभासदांनी शपथ घेतली. 

Popular posts
वादमुक्त, शांत, घुसखोरी मुक्त आणि शस्त्रास्त्र मुक्त ईशान्य भारत घडवण्याचा सरकारचा उद्देश असल्याची केंद्रीय गृहमंत्री अमित शहा यांची ग्वाही
Image
केंद्र सरकारला ३० हजार कोटींहून अधिक निधी द्यायला रिझर्व्ह बँकेच्या संचालक मंडळाची मंजुरी
Image
भारतीय आंबा पोहोचणार व्हाइट हाऊसमध्ये
Image
शिवछत्रपती पुरस्कार नियमावलीच्या सुधारणाबाबत खेळाडू, नागरिक,संघटना यांच्याकडून सूचना व अभिप्राय 22 जानेवारीपर्यंत पाठविण्याचे आवाहन
Image
पेट्रोल आणि डिझेलच्या भावातली घट विविध क्षेत्रांवर सकारात्मक परिणाम करणार असल्याचं प्रधानमंत्री नरेंद्र मोदी यांचं प्रतिपादन
Image