स्वच्छ सर्वेक्षणातल्या राष्ट्रीय पातळीवरच्या पुरस्कार विजेत्यांचं मुख्यमंत्री, उपमुख्यमंत्र्यांकडून अभिनंदन
• महेश आनंदा लोंढे
मुंबई (वृत्तसंस्था) : महाराष्ट्राला स्वच्छ सर्वेक्षण 2021 चे सर्वाधिक राष्ट्रीय पुरस्कार राज्याला मिळाले आहेत. त्याबद्दल मुख्यमंत्री उद्धव ठाकरे, उपमुख्यमंत्री अजित पवार आणि नगरविकासमंत्री एकनाथ शिंदे यांनी पुरस्कारप्राप्त सर्वांचं अभिनंदन केलं आहे. महाराष्ट्राची ही स्वच्छता चळवळीतली कामगिरी अभिमानास्पद आहे. यातून राज्याची मान देशातच नाही तर जगातही गौरवाने उंचावली आहे, असं मुख्यमंत्र्यांनी म्हणाले. ‘स्वच्छतेतून आरोग्याकडे, आरोग्यातून विकासाकडे’ सुरु असलेली राज्याची वाटचाली अशीच सुरु राहिल, असा विश्वास उपमुख्यमंत्र्यांनी व्यक्त केला आहे. पुरस्कारप्राप्त शहरांचे आणि नवी मुंबई महानगरपालिकेचे अभिनंदन करतानाच राज्यातील इतर सर्व शहरांनी पुढच्या काळात स्वच्छ सर्वेक्षणामध्ये सक्रिय सहभागी होऊन उज्ज्वल कामगिरी करण्याचं आवाहन नगरविकासमंत्री शिंदे यांनी केलं आहे.नवी दिल्लीमध्ये प्रदान करण्यात आलेल्या पुरस्कारांमध्ये एकूण पुरस्कारांच्या ४० टक्के पुरस्कार हे महाराष्ट्राला आहेत. वन स्टार मानांकनांमध्ये १४७ पैकी ५५ शहरं, तर थ्री स्टार मानांकनांमध्ये १४३ पैकी ६४ शहरं आणि फाईव्ह स्टार मानांकनांमध्ये देशातल्या ९ शहरांमध्ये नवी मुंबई महानगरपालिकेचा समावेश झाला आहे.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.