पुणे आणि पिंपरी चिंचवडमधले निर्बंध आणखी शिथिल करण्याबाबत विचार सुरू -उपमुख्यमंत्री

 

पुणे : पुणे आणि पिंपरी चिंचवड परिसरातील कोरोनाचा प्रादुर्भाव आता बऱ्याच प्रमाणात आटोक्यात आला असल्यानं तिथले निर्बंध आणखी शिथिल कारण्याबद्दलचा निर्णय लवकरच घेतला जाईल असं उपमुख्यमंत्री आणि पुण्याचे संपर्क मंत्री अजित पवार यांनी काल पत्रकार परिषदेत सांगितलं. कोरोना विषयक आढावा बैठकीनंतर त्यांनी पत्रकारांशी संवाद साधला. पुढील आठवड्यात पुन्हा एकदा लोकप्रतिनिधी आणि वरिष्ठ प्रशासकीय अधिकाऱ्यांची बैठक घेऊन याबद्दलचा अंतिम निर्णय घेतला जाईल असं ते म्हणाले.शहरातील जलतरण तलाव आता लसीच्या दोन्ही मात्रा घेतलेल्या सर्वसामान्य नागरिकांसाठी देखील खुले करण्यात आल्याचं त्यांनी यावेळी सांगितलं. त्याचवेळी परिस्थिती सुधारत असली तरी सर्वानी मुखपट्टी अर्थात मास्क वापरणं अनिवार्य असल्याचं त्यांनी स्पष्ट केलं. मास्क न वापरणाऱ्यांविरुद्ध कठोर कारवाई करण्याचे निर्देश आपण बैठकीतही दिले असल्याचं त्यांनी सांगितलं. राज्यातल्या शाळा पुढच्या महिन्यात सुरु करण्याच्या निर्णयामागची भूमिकाही पवार यांनी यावेळी स्पष्ट केली. ऑनलाईन शाळांवरील मर्यादा लक्षात घेता हा निर्णय घेतल्याचं त्यांनी सांगितले.

Popular posts
जगात कुठे ही नसतील इतक्या वेगानं आणि संख्येनं आपण महाराष्ट्रात आरोग्य सुविधा उभ्या केल्या, मुख्यमंत्र्यांच प्रतिपादन
Image
आर्थिक आणि नियामक धोरणांमुळं देशाच्या अर्थव्यवस्थेतली तूट भरून निघण्यास मदत होईल- आरबीआय
Image
आमदार लक्ष्मण जगताप म्हणतात, हे तर मृताच्या टाळूवरचे लोणी खाण्याचा घृणास्पद प्रकार; खासगी रुग्णवाहिकांचे उपप्रादेशिक परिवहन कार्यालयाने संचलन करावे
Image
पिंपरी मर्चंन्ट फेडरेशनचा लॉकडाऊन विरोध : भाजपाचा व्यापाऱ्यांना पाठिंबा
Image
महानगरपालिकेवर भगवा फडकविण्यासाठी शिवसैनिकांची वज्रमुठ बांधावी : ॲड. सचिन भोसले
Image