देशात बुधवारी ४१ हजार ७२६ रुग्ण कोरोनामुक्त

 

नवी दिल्ली (वृत्तसंस्था) : देशात बुधवारी ४१ हजार ७२६ रुग्ण कोरोनामुक्त होऊन घरी गेले, तर ४२ हजार ९८२ नव्या बाधितांची नोंद झाली. आत्तापर्यंत देशभरातले एकूण ३ कोटी ९ लाख ७४ हजारापेक्षा अधिक रुग्ण कोरोनामुक्त झाले आहेत. याबरोबरच देशाचा कोरोना मुक्तीदर ९७ पूर्णांक ३७ शतांश टक्के झाला आहे. सध्या देशभरात ४ लाख ११ हजार ७६ कोरोनाबाधित उपचार घेत आहेत. देशाचा साप्ताहिक कोरोना पॉजिटिव्हीटी दर सध्या २ पूर्णांक ३७ शतांश टक्के आहे. गेल्या दहा दिवसांपासून दैनंदिन पॉजिटीव्हिटी तीन टक्क्याच्या खाली असून, सध्या तो २ पूर्णांक ५८ शतांश टक्के असल्याचं केंद्रीय आरोग्य मंत्रालयानं कळवलं आहे.