पिंपरी चिंचवड महानगरपालिकेचे “साफ-सफाई मदत पथक” आयुक्तांनी चिपळूण आणि महाडला पाठवावे

 

पिंपरी : कोकणात पावसाने आणि पुराने थैमान घातले आहे. त्यात महाड आणि चिपळूण शहराची अवस्था खूपच बिकट आहे. आपण सर्वजण कोकणचे हापूस आंबे अगदी चवीने आणि आवडीने खातो, कोकणात फिरायला जातो. पण आपला आणि कोकणचा संबंध फक्त मौज - मजा पुरता न ठेवता सामाजिक बांधिलकी जपली पाहिजे, सुखदुःखात एकमेकांच्या उपयोगी पडले पाहिजे. म्हणूनच, पिंपरी चिंचवड शहराचे राष्ट्रवादी पदवीधर संघाचे अध्यक्ष माधव पाटील यांनी आयुक्तांना पत्र लिहिले आहे.

पत्रात ते असे म्हणतात की, आपल्या पिंपरी चिंचवड महानगरपालिकेकडे सुद्धा कुशल कर्मचारी आहेत, साफ-सफाईची सुसज्ज यंत्र-सामुग्री आहे. म्हणून आपल्याच कोकणच्या बंधू- भगिनिंची मदत करण्यासाठी आपल्या पिंपरी चिंचवड महानगरपालिकेचे “साफ-सफाई मदत पथक” चिपळूण आणि महाड येथे पाठवावे.

नुकतेच मुंबई महानगरपालिकेने कोल्हापूर येथे मदतकार्यासाठी आपले पथक पाठवले आहे. या टीमसोबत आम्हा काही सामाजिक-राजकीय कार्यकर्त्यांना सहभागी व्हायला आवडेल.

चिपळूण आणि महाड इथे पिंपरी चिंचवड महानगरपालिकेचे “साफ-सफाई मदत पथक” पाठवल्याने असे केल्याने सामाजिक सलोखा, एकोपा वाढण्यास नक्की मदत होईल. आपण असे पथक पाठवले तर या निर्णयाचा पिंपरी चिंचवडकरांनासुद्धा नक्की आनंद होईल, ते या निर्णयाचे स्वागतच करतील असे माधव पाटील यांनी या पत्रात म्हंटले आहे. माधव पाटील यांनी इमेल आणि ट्विटच्या माध्यमातून हे पत्र आयुक्तांना पाठवले आहे.

पिंपरी चिंचवडमध्ये अनेक कोकणवासीय वास्त्यव्यास आहेत. या शहराच्या वाढीसाठी कोकणवासियांनीही आपला खारीचा वाटा उचलला आहे. या पत्रावर आता आयुक्त राजेश पाटील यांनी सकारात्मक निर्णय घ्यावा हीच अपेक्षा.

Popular posts
विधानभवनाच्या प्रवेशद्वारावरच्या पायऱ्यांवर आंदोलन करायला, आणि प्रसारमाध्यमांनी तिथे चित्रीकरण करायला बंदी घालावी - जयंत पाटील
Image
देशव्यापी लसीकरण मोहिमेत आतापर्यंत कोविड प्रतिबंधक लशींच्या 122 कोटींचा टप्पा ओंलाडला
Image
महाराष्ट्र वस्तू आणि सेवा कर सुधारणा विधेयकाला विधानसभेत मंजुरी
Image
शेतकऱ्यांच्या जीवनात बदल घडवून आणण्यासाठी कृषी व्यवस्थापन अभ्यासक्रमाच्या पदवीधरांनी काम करावं- केंद्रीय कृषीमंत्री
Image
राज्यात आतापर्यंत ६४ लाख ५६ हजार ९३९ जणांना कोरोनाची लागण
Image