नवी दिल्ली (वृत्तसंस्था) : डीआरडीओ अर्थांत संरक्षण संशोधन आणि विकास संस्थेनं क्षमतावृद्धी केलेल्या पिनाका रॉकेटची यशस्वी चाचणी केली. चंदिंगड इथल्या एकात्मिक चाचणी केंद्रावर स्वदेशी निर्मिती असलेल्या मल्टी-बॅरल रॉकेट लाँचरद्वारे ही चाचणी केली गेली. क्षमतावृद्धी केल्यानंतर या रॉकेटचा मारा करण्याचा पल्ला ४५ किलोमीटरपर्यंत वाढला आहे. चाचणीच्या वेळी नवी सुधारित विविध अंतरावर २५ पिनाका रॉकेट्स डागली गेली, त्यावेळी या रॉकेट्सनं आपलं लक्ष्य अचूकपण गाठल्याची माहिती डीआरडीओनं दिली आहे. यावेळी १२२ मिलीमीटर कॅलीबर रॉकेटचीही यशस्वी चाचणी करण्यात आली. या कामगिरीबद्दल संरक्षणमंत्री राजनाथ सिंह यांनी डीआरडीओचं अभिनंदन केलं आहे.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.