देशात कोविड–१९ चे रुग्ण बरे होण्याचा दर आता ९६ पूर्णांक १२ शतांश टक्क्यांवर

 

नवी दिल्ली (वृत्तसंस्था) : देशात कोविड–१९ चे रुग्ण बरे होण्याचा दर आता ९६ पूर्णांक १२ शतांश टक्क्यांवर पोहोचला आहे. गेल्या २४ तासात देशातला २३ हजार ६५३ रुग्ण बरे झाले.

केंद्रीय आरोग्य मंत्रालयानं दिलेल्या माहितीनुसार, आत्तापर्यंत देशातील १ कोटी ११ लाखाहून अधिक रुग्ण पूर्णपणे कोरोनामुक्त झाले आहेत. परंतु गेले काही दिवस नव्याने कोरोनाबाधित झालेल्या रुग्णांची संख्या देशात सातत्यानं वाढत आहे.

सध्या देशात २ लाख ८८ हजार ३९४ रुग्णांवर उपचार सुरु असून हे प्रमाण २ पूर्णांक ४९ शतांश टक्के आहे. 

गेल्या २४ तासात देशात ४० हजार ९५३ नव्या कोरोनाबाधितांची नोंद झाली. त्यामुळे एकंदर कोरोनाबाधितांची संख्या १ कोटी १५ लाख झाली आहे.

गेल्या २४ तासात देशात १८८ जणांचा कोविड–१९ मुळे मृत्यू झाला. त्यामुळे आत्तापर्यंतच्या एकंदर मृतांची संख्या १ लाख ५९ हजारांच्या पुढे गेली आहे.

देशात गेल्या २४ तासात १० लाख ६० हजार कोविड तपासणी चाचण्या करण्यात आल्या. त्त्यामुळे आत्तापर्यंत करण्यात आलेल्या एकंदर चाचण्यांची संख्या २३ कोटी २४ लाखांपेक्षा अधिक झाली आहे.

 

 

Popular posts
जगात कुठे ही नसतील इतक्या वेगानं आणि संख्येनं आपण महाराष्ट्रात आरोग्य सुविधा उभ्या केल्या, मुख्यमंत्र्यांच प्रतिपादन
Image
आमदार लक्ष्मण जगताप म्हणतात, हे तर मृताच्या टाळूवरचे लोणी खाण्याचा घृणास्पद प्रकार; खासगी रुग्णवाहिकांचे उपप्रादेशिक परिवहन कार्यालयाने संचलन करावे
Image
आर्थिक आणि नियामक धोरणांमुळं देशाच्या अर्थव्यवस्थेतली तूट भरून निघण्यास मदत होईल- आरबीआय
Image
महानगरपालिकेवर भगवा फडकविण्यासाठी शिवसैनिकांची वज्रमुठ बांधावी : ॲड. सचिन भोसले
Image
एमजीने नवी ‘हेक्टर २०२१’ लाँच केली
Image