भांडूप इथल्या ड्रीम्स मॉलमध्ये लागलेल्या आगीची पोलीस चौकशी सुरु

 

मुंबई (वृत्तसंस्था) : मुंबईतल्या भांडूप इथल्या ड्रीम्स मॉलमध्ये काल लागलेल्या आगीची पोलीस चौकशी सुरु करण्यात आली आहे.

या मॉलच्या पहिल्या मजल्यावर लागलेली आग तिसऱ्या मजल्यावरच्या सनराईज कोवड हॉस्पिटलपर्यंत पोहोचल्यामुळे ९ जणांचा गुदमरून मृत्यू झाल्याचा अंदाज वर्तवण्यात येत आहे. या रूग्णालयातल्या २ रुग्णांचा कोविडमुळे या दुर्घटनेआधीच मृत्यू झाला होता. ७८ उपचाराधीन रुग्णांपैकी ६८ जणांना अग्नीश्मन दलाने सुरक्षित बाहेर काढलं. य़ा आगीचं कारण अद्याप निश्चित झालेलं नाही.