लाच मागितल्या प्रकरणी सेन्सॉर बोर्डाच्या अधिकारी कर्मचाऱ्यांसह तिघांविरोधात सीबीआयकडून गुन्हा दाखल

 

नवी दिल्ली (वृत्तसंस्था) : चित्रपट प्रदर्शनासाठी आवश्यक प्रमाणपत्र देण्याकरता लाच घेतल्याप्रकरणी सीबीआयनं काही जणांविरोधात गुन्हा दाखल केला आहे. यात ३ व्यक्ती आणि CBFC, अर्थात केंद्रीय चित्रपट प्रमाणन मंडळाच्या काही अधिकारी-कर्मचाऱ्यांचा समावेश आहे. हिंदीत डब करण्यात आलेल्या एका चित्रपटाला सप्टेंबर २०२३ मध्ये सेन्सॉर बोर्डाकडून प्रमाणपत्र मिळवण्यासाठी ७ लाख रुपयांची लाच स्वीकारल्याचा त्यांच्यावर आरोप आहे. याप्रकरणी मुंबईसह ४ ठिकाणी सीबीआयनं छापे टाकले असून काही कागदपत्र गोळा केली आहेत.