येत्या डिसेंबर २०२३ पर्यंत मुंबई गोवा महामार्गावरील दोन्ही मार्गिकांचं काम पूर्ण होईल - मंत्री रविंद्र चव्हाण

 

मुंबई (वृत्तसंस्था) : मुंबई गोवा महामार्गावरच्या पनवेल ते कासू आणि कासू ते इंदापूर या दोन टप्प्यांतल्या ८४ किलोमीटर रस्त्यावरच्या एकेरी मार्गिकेवरून आगामी गणेशोत्सवाच्या आधी, १० सप्टे़ंबरपासून पूर्ण क्षमतेनं वाहतूक सुरू होईल असं सार्वजनिक बांधकाम मंत्री रविंद्र चव्हाण यांनी म्हटलं आहे. चव्हाण यांनी आज मुंबई ते गोवा या महामार्गावरच्या पनवेल ते वाकण फाटा नागोठाणे पर्यंतच्या कामाची पाहणी केली, त्यानंतर ते बातमीदारांशी बोलत होते. या कामासाठी अत्याधुनिक तंत्रज्ञान आणि यंत्रसामग्री वापरली जात आहे. येत्या डिसेंबर २०२३ पर्यंत या महामार्गावरच्या दोन्ही मार्गिकांचं काम पूर्ण होईल असं त्यांनी सांगीतलं. 

कासूपासून पुढच्या कामाची गती वाढवण्यासाठी राष्ट्रीय महामार्ग प्राधिकरणाचे अधिकारी आणि कंत्राटदारांना तसे निर्देश दिले असल्याचं त्यांनी सांगितलं. महामार्गाच्या कामादरम्यान वाहतुकीचा अडथळा येऊ नये यासाठी पोलीस विभागांचं सहकार्य घ्यावं अशा सूचना दिल्या असून, याबाबत पोलीस अधिक्षकांसोबत चर्चा केल्याचंही त्यांनी सांगितलं.

Popular posts
भारताला रशियाकडून एस ४०० क्षेपणास्त्र प्रणाली खरेदी करण्यावर निर्बंध न लादण्याचा अमेरिकेचा निर्णय
Image
डीआरडीओने विकसित केलेल्या स्वदेशी अँटी रेडिएशन क्षेपणास्त्राच्या (रूद्रम) उड्डाणाची चाचणी यशस्वी
Image
लाल समुद्र आणि एडनच्या आखातातल्या जहाजांवरचे हल्ले थांबवण्याचं संयुक्त राष्ट्रांच्या सुरक्षा परिषदेचं हौती दहशतवाद्यांना आवाहन
Image
जगतगुरु तुकोबाराय साहित्य परिषदच्या वतीने संतश्रेष्ठ तुकाराम महाराज यांची जयंती, भक्ती शक्ती शिल्प निगडी येथे मोठ्या उत्साहात साजरी
Image
14 नोव्हेंबर ते 30 नोव्हेंबर या कालावधीत अनाथ प्रमाणपत्र पंधरवड्याचे आयोजन
Image