प्रधानमंत्र्यांनी गोरखपूर -लखनौ आणि जोधपूर- अहमदाबाद वंदे-भारत-एक्सप्रेसला दाखवला हिरवा झेंडा

 

नवी दिल्ली (वृत्तसंस्था) प्रधानमंत्री नरेंद्र मोदी यांनी आज उत्तर प्रदेशात गोरखपूर इथं गोरखपूर -लखनौ-वंदे-भारत-एक्सप्रेसला हिरवा झेंडा दाखवला. जोधपूर- अहमदाबाद-वंदे भारत एक्सप्रेसचा प्रारंभही मोदी यांनी आभासी माध्यमाद्वारे हिरवा झेंडा दाखवून केला. गोरखपूर रेल्वे स्थानकाच्या पुनर्विकास कामाची पायाभरणी आज त्यांनी केली.  त्याआधी गीता प्रेसच्या शताब्दी सोहळ्याच्या सांगता समारंभात ते उपस्थित राहिले. यावेळी त्यांनी गीता-प्रेसच्या कार्याची प्रशंसा केली. प्रधानमंत्री आता वाराणशी या त्यांच्या मतदार संघाच्या दौऱ्यावर असून तिथं १२ हजार १०० कोटी रुपयांच्या त्यांच्या विविध विकास प्रकल्पांचं लोकार्पण आणि पायाभरणी त्यांच्या हस्ते होणार आहे. विद्युतीकरण किंवा दुहेरीकरण पूर्ण झालेल्या तीन रेल्वेमार्गांचं लोकार्पणही मोदी करणार आहेत. यामुळे उत्तर प्रदेशातल्या रेल्वेमार्गांच १०० टक्के विद्युतीकरण पूर्ण होत आहे. वाराणशीतल्या मनकर्णिका आणि हरिश्चंद्र घाटांच्या पुनर्विकास कामाची पायाभरणी मोदी यांच्या हस्ते होणार आहे. आज संध्याकाळी उशिरा वाराणशी मतदार संघातल्या भाजपा कार्यकर्त्यांची बैठक ते घेणार आहेत. 

Popular posts
भारताला रशियाकडून एस ४०० क्षेपणास्त्र प्रणाली खरेदी करण्यावर निर्बंध न लादण्याचा अमेरिकेचा निर्णय
Image
डीआरडीओने विकसित केलेल्या स्वदेशी अँटी रेडिएशन क्षेपणास्त्राच्या (रूद्रम) उड्डाणाची चाचणी यशस्वी
Image
लाल समुद्र आणि एडनच्या आखातातल्या जहाजांवरचे हल्ले थांबवण्याचं संयुक्त राष्ट्रांच्या सुरक्षा परिषदेचं हौती दहशतवाद्यांना आवाहन
Image
जगतगुरु तुकोबाराय साहित्य परिषदच्या वतीने संतश्रेष्ठ तुकाराम महाराज यांची जयंती, भक्ती शक्ती शिल्प निगडी येथे मोठ्या उत्साहात साजरी
Image
14 नोव्हेंबर ते 30 नोव्हेंबर या कालावधीत अनाथ प्रमाणपत्र पंधरवड्याचे आयोजन
Image