भारतीय स्वातंत्र्य लढ्याचे विविध पैलू मांडणारी मालिका येत्या रविवारपासून DD National या वाहिनीवर सुरू होणार

 

नवी दिल्ली (वृत्तसंस्था) : भारतीय स्वातंत्र्य लढ्याचे विविध पैलू मांडणारी ‘स्वराज- भारत के स्वतंत्रता संग्राम की समग्र गाथा’ ही मालिका येत्या रविवारपासून DD National या वाहिनीवर सुरू होणार आहे. दर रविवारी रात्री ९ ते १० दरम्यान ७५ भागांच्या या मालिकेचं प्रसारण होईल अशी माहिती पत्र सूचना कार्यालयाच्या उप महासंचालिका स्मिता वत्स शर्मा यांनी मुंबईत आज आयोजित पत्रकार परिषदेत दिली. मराठीसह एकूण ९ भाषांमध्ये या मालिकेचं प्रसारण २० ऑगस्टपासून रात्री ८ ते ९ यावेळेत होणार आहे. 

वास्को द गामाचे भारतात आगमन झाल्याच्या कालखंडापासून स्वातंत्र्य पर्यंतचा कालावधी यात माहितीपट आणि नाट्य रूपांतर पद्धतीने दाखवला जाणार आहे. विविध इतिहास तज्ज्ञ आणि मान्यवरांच्या मदतीने या मालिकेसाठी संशोधन करण्यात आलं आहे. यासाठी दूरदर्शनने एक समिती नेमली होती अशी माहिती निर्मिती प्रमुख राहुल पराशर यांनी दिली. ४ के HD दर्जामध्ये तयार करण्यात आली आहे. ही मालिका नव्या भारताचे आणि नव्या दूरदर्शनचे रूप घेऊन आल्याची माहिती मालिकेतले सूत्रधार अभिनेते मनोज जोशी यांनी दिली. 

स्वराजसोबतच 'जय भारती', ' कॉर्पोरेट सरपंच' आणि 'ये दिल मांगे मोअर' या मालिकाही दूरदर्शनवर १५ ऑगस्ट पासून सुरू होत आहेत. नव्यानं सुरू होणारा “सूरों का एकलव्य" हा रियालिटी म्युझिक शो १४ ऑगस्टपासून शनिवार आणि रविवारी रात्री ८ ते ९ या प्राईम टाईममध्ये प्रसारित होईल. 'स्टार्ट अप चॅम्पियन्स २.०' या कार्यक्रमात राष्ट्रीय पुरस्कार विजेत्या ४६ स्टार्टअप्स प्रवास आणि त्यांचे यश डीडी न्यूजवर शनिवारी रात्री ९ वाजता आणि डीडी नॅशनलवर रविवारी दुपारी १२ वाजता पाहता येईल. 

Popular posts
क्रांतिसूर्य महात्मा ज्योतिबा फुले व भारतरत्न डॉ. बाबासाहेब आंबेडकर यांच्या विचारांचा प्रचार व पसार उपक्रमांतर्गत प्रबोधनपर्व
Image
एमटीडीसीमार्फत विशेष सवलतींची व पर्यटनस्थळांची माहिती देणारे दालन पर्यटनवृद्धीसाठी महत्त्वाचे – पर्यटन राज्यमंत्री कु.आदिती सुनील तटकरे
Image
मॅट्रीकोत्तर शिष्यवृत्ती योजनांसाठी नवीन आणि नूतनीकरणाचे अर्ज प्रक्रिया सुरू
Image
दक्षिण आफ्रिकेविरुद्ध तिसऱ्या कसोटी क्रिकेट सामन्याच्या दुसऱ्या डावात भारताची ८० धावांपर्यंत मजल
Image
महाराष्ट्र वस्तू आणि सेवा कर सुधारणा विधेयकाला विधानसभेत मंजुरी
Image