दहशतवाद व हिंसाचार विरोधी दिनानिमित्त मंत्रालयात शपथ
• महेश आनंदा लोंढे
मुंबई : दिवंगत पंतप्रधान राजीव गांधी यांच्या स्मृतिदिनानिमित्त त्यांच्या प्रतिमेस महसूलमंत्री बाळासाहेब थोरात आणि वस्त्रोद्योग मंत्री अस्लम शेख यांनी पुष्पहार अर्पण करुन अभिवादन केले. त्यांनतर मंत्रालयामध्ये महसूलमंत्री बाळासाहेब थोरात आणि वस्त्रोद्योग मंत्री अस्लम शेख यांच्या उपस्थितीत अधिकारी आणि कर्मचारी यांनी दहशतवाद व हिंसाचार विरोधी दिनानिमित्ताने शपथ घेतली.
मुख्य सचिव मनुकुमार श्रीवास्तव, सामान्य प्रशासन विभागाचे अपर मुख्य सचिव डॉ. संजय चहांदे, मुख्यमंत्र्यांचे प्रधान सचिव विकास खारगे, उद्योग संचालनालयाचे आयुक्त हर्षदीप कांबळे यांच्यासह विविध विभागांचे अधिकारी आणि कर्मचारी यावेळी उपस्थित होते. 21 मे हा दिवस दहशतवाद व हिंसाचार विरोधी दिवस म्हणून पाळला जातो. 21 मे या दिवशी भारताचे माजी पंतप्रधान राजीव गांधी यांची पुण्यतिथी असते. हाच दिवस दहशतवादविरोधी दिवस म्हणून संपूर्ण देशात पाळला जातो.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.