युक्रेनमध्ये अडकलेल्या ८०० नागरिकांना घेऊन भारतीय वायुदलाची C-17 विमानं आज मायदेशी परतली

 

नवी दिल्ली (वृत्तसंस्था) : गंगा अभियाना अंतर्गत भारतीय वायुदलाची चार C-17 विमानं युक्रेनमध्ये अडकलेल्या ८०० नागरिकांना घेऊन आज सकाळी नवी दिल्ली जवळच्या वायुदलाच्या हिंडन विमानतळावर परतली. रोमानियाची राजधानी बुखारेस्ट इथून भारतीय वायुदलाचं पहिलं विमान २०० भारतीय नागरिकांना घेऊन आज सकाळी वायुसेनेच्या हिंडन तळावर उतरलं. तसंच भारतीय वायुदलाची अन्य विमानं हंगेरीची राजधानी बुडापेस्ट इथून २१०, पोलंड इथून २०८ तर बुखारेस्ट इथून १८० भारतीय नागरिकांना घेऊन मायदेशी परतली. संरक्षण राज्य मंत्री अजय भट्ट यांनी मायदेशी परतलेल्या भारतीय नागरिकांचं स्वागत केलं तसंच त्यांच्याशी संवाद साधला. भारतीय नागरिकांना सुरक्षितपणे  मायदेशी परत आणण्याच्या केंद्रसरकारच्या प्रयत्नांमध्ये आपली सेवा आणि सहकार्याचं योगदान दिल्याबद्दल भारतीय वायुदल, विमान चालक आणि सेना कर्मींचे आपण आभारी असल्याचं त्यांनी आपल्या ट्विटर संदेशात म्हटलं आहे.

Popular posts
‘लाडकी बहीण योजने’अंतर्गत लाभार्थी महिलांकडून रक्कम परत जमा करण्याबाबत शासनाकडून सक्ती नाही – महिला व बालविकास विभागाचे स्पष्टीकरण
Image
पश्चिम बंगालच्या संदेशखाली भागातल्या महिला अत्याचाराच्या घटनेचा अनुराग ठाकूर यांनी केला निषेध
Image
उच्चतर शिक्षा अभियानात महाराष्ट्रातल्या ४ विद्यापीठांना निधी मंजूर
Image
तरुणांनी यशासाठी भव्य शक्यतांच्या अवकाशाचा शोध घेतला पाहिजे - उपराष्ट्रपती
Image
अंदमान निकोबार बेटं भारताला आग्नेय आशियाबरोबर जोडणारा दुवा
Image