कोविड१९ प्रतिबंधक लसीकरणात देशानं १६१ कोटी मात्रांचा टप्पा ओलांडला
• महेश आनंदा लोंढे
नवी दिल्ली (वृत्तसंस्था) : कोविड१९ प्रतिबंधक लसीकरणात देशानं १६१ कोटी मात्रांचा टप्पा ओलांडला आहे. आज सकाळपासून ६० लाखापेक्षा नागरिकांचं लसीकरण झालं. त्यामुळे लाभार्थ्यांना दिलेल्या मात्रांची एकूण संख्या १६१ कोटी ३ लाखाच्या वर गेली आहे. यापैकी ६७ कोटी ७६ लाखापेक्षा जास्त लाभार्थ्यांना दोन मात्रा, तर ७१ लाखापेक्षा जास्त लाभार्थ्यांना लसीची वर्धक मात्रा मिळाली आहे. १५ ते १८ या वयोगटात आत्तापर्यंत ४ कोटींपेक्षाजास्त लाभार्थ्यांना लसीची पहिली मात्रा मिळाली आहे. राज्यातही आज सकाळपासून ४ लाखापेक्षा जास्त लाभार्थ्यांचं लसीकरण झालं. आत्तापर्यंत राज्यात साडे १४ कोटींपेक्षा जास्त लसमात्रा दिल्या आहेत. यापैकी ५ कोटी ९५ लाखापेक्षा अधिक लाभार्थ्यांना दोन, ५ लाख ५३ हजारापेक्षा अधिक लाभार्थ्यांना वर्धक, तर १५ ते १८ या वयोगटातल्या २८ लाख ८१ हजारापेक्षा जास्त लाभार्थ्यांना लसीची पहिली मात्रा मिळाली आहे.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.