श्रीलंकेमधे आर्थिक आणिबाणी जाहीर

 

नवी दिल्ली (वृत्तसंस्था) : श्रीलंकेमधे आर्थिक संकट गंभीर बनलं असून राष्ट्राध्यक्ष गतभय राजपक्षे यांनी आर्थिक आणिबाणी जाहीर केली आहे. कोविड महामारीमुळे पर्यटनव्यवसायातली मंदी, वाढता सरकारी खर्च, करकपात, आणि चिनी कर्जाच्या परतफेडीमधे जाणारा पैसा यामुळे सरकारी तिजोरीत खडखडाट झाला आहे. परकीय चलन साठ्याने दशकभरातला नीचांक गाठला आहे. परदेशी आणि देशांतर्गत कर्जरोख्यांची देणी चुकती करण्याकरता सरकारने भरमसाठ चलन छापल्यावर महागाईने उच्चांक पार केला असून अनेकांना अन्नधान्य आणि जीवनावश्यक वस्तू परवडेनाशा झाल्या आहेत.