संसदेच्या दोन्ही सभागृहांचं कामकाज आज निर्धारित वेळेपेक्षा एक दिवस आधी अनिश्चित काळाकरता स्थगित

 

नवी दिल्ली (वृत्तसंस्था) : संसदेच्या दोन्ही सभागृहांचं कामकाज आज निर्धारित वेळेपेक्षा एक दिवस आधी अनिश्चित काळाकरता स्थगित झालं. संसदेचं हिवाळी अधिवेशन २९ नोव्हेंबरला सुरु झालं होतं आणि ते उद्यापर्यंत चालणार होतं. शेतकरी प्रश्न, लखीमपूर खेरी घटना, बारा खासदारांचं निलंबन, इत्यादी मुद्द्यांवर विरोधकांनी केलेल्या गदारोळामुळे लोकसभेच्या तसंच राज्यसभेच्या कामकाजात सतत व्यत्यय येत राहिला. हिवाळी अधिवेशनात लोकसभेत ८२ टक्के काम झालं, नऊ विधेयकं संमत झाली, आज सकाळी लोकसभेचं कामकाज सुरु होताच सभापती ओम बिर्ला यांनी निरोपाच्या भाषणात सांगितलं. विरोधकांच्या गदारोळामुळे कामकाजाचे १९ तास वाया गेले, असंही ते म्हणाले. राज्यसभेत अपेक्षित कामकाज होऊ शकलं नाही, असं अध्यक्ष एम. व्यंकय्या नायडू निरोपाच्या भाषणात म्हणाले. सभागृहात झालेली घटना चुकीची होती. यापेक्षा चांगलं कामकाज होऊ शकलं असतं, यावर सदस्यांनी विचार करावा, असं आवाहन त्यांनी केलं. लोकसभेत सादर झालेल्या आणि त्यानंतर मंजूर झालेल्या विधेयकांबद्दल सभापती ओम बिर्ला यांनी अधिक माहिती दिली.

Popular posts
नगरसेवक नामदेव ढाके यांच्या तहसिल आपल्या दारी मोफत उपक्रमात नागरिकांना उत्पन्नाच्या दाखल्यांचे वाटप  
Image
कोरोनाचा सर्वाधिक प्रभाव असलेल्या देशातून मुंबईत येणाऱ्या प्रवाशांसाठी आरटीपीसीआर चाचणी अनिवार्य
Image
घरीच कोरोना चाचणी केलेल्या नागरिकांना चाचणीचे निष्कर्ष संबंधित वेबसाइट आणि स्थानिक प्रशासनाला कळविण्याचं राज्य सरकारचं आवाहन
Image
महिला आणि बालविकास विभागाच्या जिल्हास्तरीय विविध कार्यालयांना एकाच छताखाली आणण्याचा निर्णय
Image
लसीकरणाविषयी असलेले गैरसमज दूर करण्याचं प्रधानमंत्री नरेंद्र मोदी यांचं आवाहन
Image