राज्यसभेच्या ६ जागांसाठी निवडणूक कार्यक्रम जाहीर

 

मुंबई (वृत्तसंस्था) : राज्यसभा सदस्यांच्या मृत्यू किंवा राजीनाम्यामुळे रिक्त झालेल्या ६ जागांसाठी भारतीय निवडणूक आयोगानं निवडणूक कार्यक्रम जाहीर केला आहे. यात महाराष्ट्रातले राज्यसभा सदस्य राजीव सातव यांच्या निधनामुळे रिक्त झालेल्या जागेचा समावेश आहे. याशिवाय पश्चिम बंगाल, आसाम आणि मध्यप्रदेशातल्या प्रत्येकी एका, तर तमीळनाडूतल्या दोन जागांसाठीही निवडणूका होतील.

या निवडणुकांसाठी येत्या १५ सप्टेंबरला अधिसूचना जारी होईल. २२ सप्टेंबर ही निवडणुकीसाठी अर्ज दाखल करायची शेवटची तारीख असेल, तर २७ सप्टेंबरपर्यंत अर्ज माग घेता येणार आहेत. यानंतर ४ ऑक्टोबरला, सकाळी ९ ते ४ या वेळेत प्रत्यक्ष निवडणुकीसाठी मतदान होणार आहे. तर त्याच दिवशी संध्याकाळी ५ वाजता मतमोजणीला सुरुवात होणार आहे.

निवडणुकीची सगळी प्रक्रिया ६ ऑक्टोबर २०२१ पर्यंत पूर्ण केली जाईल असं, निवडणूक आयोगाच्या निवेदनात म्हटलं आहे.

 

 

Popular posts
‘लाडकी बहीण योजने’अंतर्गत लाभार्थी महिलांकडून रक्कम परत जमा करण्याबाबत शासनाकडून सक्ती नाही – महिला व बालविकास विभागाचे स्पष्टीकरण
Image
अंदमान निकोबार बेटं भारताला आग्नेय आशियाबरोबर जोडणारा दुवा
Image
पश्चिम बंगालच्या संदेशखाली भागातल्या महिला अत्याचाराच्या घटनेचा अनुराग ठाकूर यांनी केला निषेध
Image
तरुणांनी यशासाठी भव्य शक्यतांच्या अवकाशाचा शोध घेतला पाहिजे - उपराष्ट्रपती
Image
उच्चतर शिक्षा अभियानात महाराष्ट्रातल्या ४ विद्यापीठांना निधी मंजूर
Image