प्रधानमंत्र्यांनी दूरदृश्य प्रणालीच्या माध्यमातून अत्याधुनिक सरदारधाम भवनाचं उद्घाटन केलं

 

नवी दिल्ली (वृत्तसंस्था) : मानवी मूल्यांचे रक्षण करण्यासाठीचे प्रयत्न आपण सुरू ठेवले पाहिजेत असं प्रधानमंत्री नरेंद्र मोदी यांनी म्हटलं आहे. आजच्याच दिवशी २००१ मध्ये अमेरिकेवर झालेल्या दहशतवादी हल्ल्यामुळे आजचा दिवस जगभरात  मानवतेवरच्या दूर्दैवी हल्ल्यासाठी ओळखला जातो, परंतु १८९३ साली आजच्याच दिवशी शिकागो इथं झालेल्या जागतिक धर्म संसदेत, स्वामी विवेकानंद यांनी भारताच्या मानवी मूल्यांची जगाला ओळख करून दिली असल्याचं ते म्हणाले. प्रधानमंत्र्यांनी आज दूरदृश्य प्रणालीच्या माध्यमातून गुजरातमधल्या अहमदाबाद इथल्या अत्याधुनिक सरदारधाम भवनाचं उद्घाटन केलं. यावेळी त्यांनी सरदारधाम प्रकल्पाच्या दुसऱ्या टप्प्या अंतर्गत कन्या छात्रालयाची कोनशिलाही ठेवली. देशभरात सुरु असलेल्या आझादी का अमृतमहोत्सवाचा उल्लेख करत, प्रधानमंत्री म्हणाले की, सरदार पटेल यांच्या नेतृत्वात झालेल्या खेडा इथल्या सत्याग्रहातून शेतकरी, तरुण आणि गरीब वर्गातली एकता दिसून आली, यामुळे ब्रिटिश सरकारला माघार घ्यावी लागली. 'स्टॅच्यू ऑफ युनिटी'च्या माध्यमातून हीच प्रेरणा आजही आपल्या मिळते आहे असं ते म्हणाले. यावेळी प्रधानमंत्र्यांनी थोर तत्वज्ञ आणि संशोधक सुब्रमण्यम स्वामी यांच्या नावे बनारस हिंदु विद्यापीठात तमीळ विभाग सुरु करायची घोषणाही प्रधानमंत्र्यांनी केली.

Popular posts
विधानभवनाच्या प्रवेशद्वारावरच्या पायऱ्यांवर आंदोलन करायला, आणि प्रसारमाध्यमांनी तिथे चित्रीकरण करायला बंदी घालावी - जयंत पाटील
Image
महाराष्ट्र वस्तू आणि सेवा कर सुधारणा विधेयकाला विधानसभेत मंजुरी
Image
शेतकऱ्यांच्या जीवनात बदल घडवून आणण्यासाठी कृषी व्यवस्थापन अभ्यासक्रमाच्या पदवीधरांनी काम करावं- केंद्रीय कृषीमंत्री
Image
देशव्यापी लसीकरण मोहिमेत आतापर्यंत कोविड प्रतिबंधक लशींच्या 122 कोटींचा टप्पा ओंलाडला
Image
राज्यात आतापर्यंत ६४ लाख ५६ हजार ९३९ जणांना कोरोनाची लागण
Image