बारावीचा निकाल उद्या दुपारी ४ वाजता जाहीर होणार

 

मुंबई (वृत्तसंस्था) : महाराष्ट्र राज्य माध्यमिक आणि उच्च माध्यमिक शिक्षण मंडळाच्या बारावीचा निकाल उद्या जाहीर होणार आहे. दुपारी ४ वाजता हा निकाल ऑनलाइन जाहीर केला जाणार असल्याची माहिती शिक्षण मंडळाने पत्रकाद्वारे दिली आहे. Hscresults.11th, admission.org.in, Msbshse.co.in, Hscresult.mkcl.org, Mahresult.nic.in या संकेत स्थळावर हे निकाल उपलब्ध होतील आणि तिथून त्याची प्रिंट घेता येईल. यंदा बारावीच्या परीक्षा रद्द करण्यात आल्या होत्या. त्यामुळे विद्यार्थ्यांना दहावीच्या परीक्षेत सर्वाधिक गुण मिळालेल्या ३ विषयांची सरासरी, ११ वी चा निकाल आणि १२ वीच्या वर्षात झालेल्या तोंडी, प्रात्यक्षिक आणि अंतर्गत परीक्षांच्या आधारे गुण दिले जाणार आहे.