भारतात एकूण ४० कोटी नागरिकांना कोविड प्रतिबंधक लस देण्यात आली - केंद्रिय आरोग्य मंत्रालयाचे स्पष्टीकरण
• महेश आनंदा लोंढे
नवी दिल्ली (वृत्तसंस्था) : भारतात एकूण ४० कोटी नागरिकांना कोविड प्रतिबंधक लस देण्यात आली आहे. केंद्रिय आरोग्य मंत्रालयाने म्हटले आहे की, देशात एकूण ३९ कोटी ९३ लाख ६२ हजार ५१४ जणांना कोविड प्रतिबंधक लसीचे डोस देण्यात आले आहेत. कोविड लसीकरणाच्या सार्वत्रिकीकरणाचा नवीन टप्पा २१ जूनला सुरू करण्यात आला होता आणि काल एकाच दिवशी ३८ लाख ७९ हजार लसीचे डोस देण्यात आले.
आरोग्य मंत्रालयाने सांगितले की, १८ ते ४४ वयोगटातल्या लोकांसाठी काल १६ लाख ३५ हजारांहून अधिक लसीचे पहिले डोस देण्यात आले तर २ लाख ११ हजार दुसरे डोस देण्यात आले. लसीकरणाचा तिसरा टप्पा सुरू झाल्यापासून, ३७ राज्ये आणि केंद्रशासित प्रदेशांमधल्या आणि १८ ते ४४ वयोगटातल्या १२ कोटी १६ लाख लोकांना लसीचा पहिला डोस मिळाला असून ४५ लाख ९८ हजाराहून अधिक लोकांना दुसराही डोस मिळाला आहे.
महाराष्ट्र, उत्तरप्रदेश, राजस्थान, तमिळनाडू, बिहार, गुजरात आणि कर्नाटक या राज्यात ५० लाखाहून अधिक १८ ते ४४ वयोगटातल्या लोकांना कोविड लसीचा पहिला डोस दिला आहे. आंध्रप्रदेश, आसाम, छत्तीसगढ, दिल्ली, हरियाणा, झारखंड, केरळ, तेलंगण, हिमाचल प्रदेश, ओडिशा, पंजाब, उत्तराखंड आणि पश्चिम बंगाल या राज्यांत १८ ते ४४ वयोगटातल्या १० लाखांहून अधिक लोकांना पहिला डोस देण्यात आला आहे.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.