मराठा आरक्षणसंदर्भात जनजागृती करण्यासाठी बाईक रॅलीचं आयोजन

 

मुंबई (वृत्तसंस्था) : सकल मराठा समाज आणि इतर मराठा संघटनांच्या वतीनं मुंबईतल्या मराठा क्रांती संघर्ष मोर्चानं, आज बाईक रॅली काढली. मराठा आरक्षणासाठी जनजागृती करण्याच्या दृष्टीनं काढलेली ही बाईक रॅली  मुंबईत चेंबूरच्या एव्हराड नगर इथून पोलिसांच्या बंदोबस्तात रवाना झाली आणि आझाद मैदान इथं संपली. या रॅलीमध्ये विधानपरिषदेचे विरोधी पक्षनेते प्रवीण दरेकरही, आमदार कालिदास कोळंबकर, प्रल्हाद लाड सहभागी झाले होते. महाविकास आघाडी सरकार मराठा आरक्षणाबाबत वेळकाढूपणा करत असून या आंदोलनाचं वणव्यात रुपांतर होईल, असा इशारा प्रविण दरेकर यांनी या रॅलीत प्रसारमाध्यमांशी बोलताना दिला.