तौक्ते चक्रीवादळ आज रात्री उशीरा किंवा उद्या महाराष्ट्राच्या किनारपट्टीवर धडकण्याची शक्यता

 

मुंबई (वृत्तसंस्था) : अरबी समुद्रात निर्माण झालेलं तौक्ते चक्रीवादळ आज रात्री उशीरा किंवा उद्या कोणत्याही क्षणाला महाराष्ट्राच्या किनारपट्टीला धडकू शकतं अशी माहिती राष्ट्रीय आपत्ती प्रतिसाद दलाचे कमांडंट अनुपम श्रीवास्तव दिली आहे. ते आज मुंबईत बातमीदारांशी बोलत होते.

सध्या हे चक्रीवादळ महाराष्ट्राच्या किनारपट्टीपासून अडीचशे ते तीनशे किलोमीटर दूर असल्याचं त्यांनी सांगितलं.

राष्ट्रीय आपत्ती प्रतिसाद दलाची तीन पथकं मुंबई आणि गोव्यात तैनात केली आहेत, याशिवाय गरज भासली तर पुणे इथं १४ पथकं संपूर्ण तयारीनिशी सज्ज ठेवली आहेत, अशी माहिती त्यांनी दिली.

दरम्यान चक्रीवादळाच्या पार्श्वभूमीवर भारतीय हवामान विभागानं १७ तारखेसाठी मुंबई आणि ठाणे जिल्ह्याकरता पिवळा तर पालघर जिल्ह्याकरता हिरवा इशारा जारी केला आहे. या काळात वादळामुळे मुंबई आणि ठाण्यात मुसळधार तर पालघर जिल्ह्यात मध्यम स्वरुपाचा पाऊस पडू शकतो असा इशारा हवामान विभागानं दिला आहे.

तौक्ते चक्रीवादळ येत्या २४ तासांत अधिक तीव्र होऊ शकतं, त्यामुळे पश्चिम किनारपट्टी लगतच्या बर्याहच भागात मुसळधार पाऊस पडेल अशी शक्यताही हवामान विभागानं वर्तवली आहे.  

Popular posts
जगात कुठे ही नसतील इतक्या वेगानं आणि संख्येनं आपण महाराष्ट्रात आरोग्य सुविधा उभ्या केल्या, मुख्यमंत्र्यांच प्रतिपादन
Image
आमदार लक्ष्मण जगताप म्हणतात, हे तर मृताच्या टाळूवरचे लोणी खाण्याचा घृणास्पद प्रकार; खासगी रुग्णवाहिकांचे उपप्रादेशिक परिवहन कार्यालयाने संचलन करावे
Image
पिंपरी मर्चंन्ट फेडरेशनचा लॉकडाऊन विरोध : भाजपाचा व्यापाऱ्यांना पाठिंबा
Image
आर्थिक आणि नियामक धोरणांमुळं देशाच्या अर्थव्यवस्थेतली तूट भरून निघण्यास मदत होईल- आरबीआय
Image
महानगरपालिकेवर भगवा फडकविण्यासाठी शिवसैनिकांची वज्रमुठ बांधावी : ॲड. सचिन भोसले
Image