शहर कॉंग्रेसच्या वतीने कोविड मदत व सहाय्य केंद्र सुरु : सचिन साठे

 

पिंपरी : ‘कोरोना कोविड -19’ च्या महामारीने राज्यापुढे फार मोठे संकट उभे केले आहे. राज्य स्तरावर प्रशासन, वैद्यकीय आणि आरोग्य विभाग महाविकास आघाडी सरकारच्या मार्गदर्शनाखाली मोठ्या ध्यैर्याने व नियोजनबध्द पध्दतीने कोरोनावर नियंत्रण मिळविण्यासाठी काम करीत आहेत. मात्र जनतेच्या सकारात्मक प्रतिसाद मिळत नाही, तो पर्यंत कोरोनावर मात करणे अशक्य आहे. त्यामुळे सामाजिक दायित्वाच्या भुमिकेतून कॉंग्रेस पक्षाच्या वतीने राज्यपातळीवर, अगदी गाव - खेड्यात, वॉर्ड स्तरापर्यंत या विषयी जनजागरण करुन कोविड रुग्णांना वैद्यकीय सहाय्यता पुरविण्यासाठी ‘कोविड मदत व सहाय्य केंद्र’ सुरु करण्यात आले आहेत. त्याअंतर्गत पिंपरी चिंचवड शहरातील कोविड बाधित रुग्ण आणि त्यांच्या नातेवाईकांना सहाय्य करण्यासाठी पिंपरी चिंचवड शहर कॉंग्रेसच्या वतीने विजयनगर, काळेवाडी, पिंपरी येथे रविवार (दि. 11 एप्रिल) पासून ‘कोविड मदत व सहाय्य केंद्र’ सुरु करण्यात आले आहे, अशी माहिती पिंपरी चिंचवड शहर जिल्हा अध्यक्ष सचिन साठे यांनी प्रसिध्दीस दिली आहे.

कोरोनावर मात करण्यासाठी जनजागृती व जनतेचा सहभाग आवश्यक आहे. यासाठी ‘सज्जी वर्की यांचे जनसंपर्क कार्यालय, साई इन्कलेव्ह, विजयनगर, काळेवाडी, पिंपरी पुणे -17’ येथील केंद्रातून विविध उपक्रम राबविण्यात येणार आहेत. या केंद्रातून रुग्णांना वैद्यकीय सहाय्यता उपलब्ध व्हावी यासाठी मयुर जयस्वाल (9922146302), चंद्रशेखर जाधव (7218851885), विशाल कसबे (9850281908), मकरध्वज यादव (9922815267), कुंदन कसबे (9112465899), जिफिन जॉनसन (9822433695), आणि गौरव चौधरी (9665004794) हे पदाधिकारी कार्यरत राहणार आहेत.

तसेच राज्याचे आपत्ती व्यवस्थापन मंत्री विजय वडेट्टीवार, वैद्यकीय व शिक्षण मंत्री अमित देशमुख, कॉंग्रेसचे मुंबई विभागीय अध्यक्ष अशोक जगताप, कॉंग्रेस प्रदेश कार्याध्यक्ष शिवाजीराव मोघे, अरिफ खान, चंद्रकांत हंडोरे, बसवराज पाटील, आ. प्रणिती शिंदे, मुंबई कार्याध्यक्ष चरणसिंग सप्रा यांच्या मार्गदर्शनाखाली मुंबईसह राज्यातील प्रत्येक जिल्हा कार्यालयात ‘कोविड सहाय्य व मदत केंद्र’ आणि 24X7 हेल्पलाईन सुरु करण्यात येत आहेत. राज्य समन्वयक म्हणून निती भाऊराव पाटील हे काम पहात आहेत, अशी माहिती शहर कॉंग्रेसचे अध्यक्ष सचिन साठे यांनी प्रसिध्दीस दिली आहे.


Popular posts
रमजान महिन्यात नमाजासाठी एकत्र जमण्याची परवानगी देता येणार नाही- उच्च न्यायालय
Image
तलिबान सत्तेत आल्यानंनतर अफगाणिस्तानमध्ये ६४००हून अधिक माध्यम प्रतिनिधींनी गमवली नोकरी
Image
राष्ट्रीय नेमबाजी स्पर्धेत भावेश शेखावत यांनी २५ मिटर रॅपिड फायर पिस्तोल प्रकारात पटकावलं सुर्वण पदक
Image
भंडारा महिला अत्याचार प्रकरणी दोषींवर कडक कारवाई करावी – उपसभापती डॉ. नीलम गोऱ्हे
Image
येत्या सोमवारपासून ७१ अनारक्षित मेल आणि एक्स्प्रेस रेल्वेगाड्या सुरू करण्याचा रेल्वे मंत्रालयाचा निर्णय
Image