देशात काल ३ लाख ४६ हजार ७८६ रुग्णांची नोंद

 

नवी दिल्ली (वृत्तसंस्था) : देशभरातल्या कोरोना बाधीतांच्या संख्येत दैनंदिन वाढ होत असून सलग तिसऱ्या दिवशीही ३ लाखांपेक्षा जास्त रुग्ण आढळले. काल देशभरात ३ लाख ४६ हजार ७८६ नवे कोरोनाबाधित आढळले.

देशात आतापर्यंत कोरोनाबाधितांची संख्या १ कोटी ६६ लाख १० हजार ४८१ झाली आहे.

काल दिवसभरात २ लाख १९ हजार ८३८ जण कोरोनामुक्त झाले असून रुग्ण बरे होण्याचं प्रमाण ८३ पूर्णांक ९२ दशांश टक्के इतकं आहे.

देशभरात आतापर्यंत १ लाख ८९ हजार पाचशे ४४ जणांचा कोरोनामुळे मृत्यू झाला असून काल दिवसभरात २ हजार ६२४ कोरोनाबाधितांचा मृत्यू झाला.

सध्या देशात २५ लाख ५२ हजार ९४० कोरोनाबाधितांवर उपचार सुरू आहेत.