देशातील २७ राज्यांमध्ये उपचाराधीन कोविड रुग्णांच्या संख्येत सातत्यानं वाढ

 

नवी दिल्ली (वृत्तसंस्था) : देशात उपचार सुरु असणार्या कोवीड१९ रुग्णांची संख्या आता अनेक राज्यांमध्ये वाढू लागली असून काल २७ राज्य आणि केंद्र शासित प्रदेशांमध्ये  या संख्येत वाढ नोंदवली गेली. केवळ ९ राज्यांमध्ये उपचाराधीन रुग्णांची संख्या घटली आहे. काल सर्वाधिक वाढ महाराष्ट्रात २ हजार ८०३ इतकी नोंदवली गेली. तर रुग्ण संख्येतील सर्वाधिक घट केरळ मध्ये १५ शे ५४ इतकी नोंदवली गेली.

देशभरात सर्वाधिक उपचाराधीन रुग्ण महाराष्ट्र आणि केरळ या 2 राज्यांमध्येच आहेत. मात्र गेले काही दिवस केरळ मधली रुग्ण संख्या घटत असली तरी महाराष्ट्रातील मात्र वाढत आहे.