महाराष्ट्र केसरी निवड चाचणी स्पर्धा मंगळवारी रहाटणीमध्ये : प्रेक्षकांशिवाय होणार कुस्ती स्पर्धा


पिंपरी : कै. वस्ताद बाळासाहेब विठोबा गावडे प्रतिष्ठान आणि पिंपरी चिंचवड शहर जिल्हा कुस्तीगीर संघाच्या वतीने आयोजित करण्यात आलेल्या ‘महाराष्ट्र केसरी निवड चाचणी स्पर्धा’ मंगळवारी (दि. 23 फेब्रुवारी) होणार आहेत अशी माहिती महाराष्ट्र राज्य कुस्तीगीर संघाचे उपाध्यक्ष आणि पिंपरी चिंचवड शहर जिल्हा कुस्तीगीर संघाचे अध्यक्ष व ज्येष्ठ नेते हणुमंत गावडे तसेच पिंपरी चिंचवड कुस्तीगीर संघाचे कार्याध्यक्ष आमदार महेश लांडगे यांनी प्रसिध्दीस दिली आहे.

‘कोरोना कोविड-19’ च्या पार्श्वभूमीवर शासनाने सांगितलेल्या मार्गदर्शक तत्वानुसार या स्पर्धा होणार आहेत. त्यामुळे या स्पर्धा या वर्षी प्रेक्षकांशिवाय होतील. या निवडचाचणी कुस्ती स्पर्धेसाठी स्पर्धक पहिलवानांनी मंगळवारी (दि. 23 फेब्रुवारी) सकाळी 9 वाजता वजन तपासणीसाठी उपस्थित रहावे. येताना आधार कार्ड व वास्तव्याचा पुरावा हि कागदपत्रे सोबत आणावी. स्पर्धा दुपारी 3 वाजता. रहाटणी येथील ‘थोपटे लॉन्स’ मध्ये होणार आहेत. स्पर्धत पहिलवानांसोबत एक पालक उपस्थित राहू शकतील. यावेळी फक्त वरिष्ठ गटातील माती व गादी विभागातील स्पर्धा होतील. कुमार गटांतील स्पर्धेविषयी नंतर माहिती देण्यात येईल. वरिष्ठ गटासाठी माती व गादी विभागातील वजन गट 57, 61, 65, 70, 74, 79, 86, 92, 97 आणि 86 ते 125 (महाराष्ट्र केसरी गट) या प्रमाणे असतील. वस्ताद, मार्गदर्शक, पालक आणि स्पर्धकांनी वेळेत उपस्थित रहावे तसेच ‘कोरोना’ विषयी सांगितलेल्या सर्व नियमांचे काटेकोरपणे पालन करावे.

या स्पर्धा आयोजनात पिंपरी चिंचवड कुस्तीगीर संघाचे सरचिटणीस संतोष माचूत्रे, खजिनदार दिलीप बालवडकर, भारत केसरी विजय गावडे, उपाध्यक्ष धोंडीबा लांडगे, विशाल कलाटे, काळूराम कवितके आदींनी सहभाग घेतला आहे.

Popular posts
अमेरिकी ट्रेझरी उत्पन्न वाढल्याने गेल्या आठवड्यात स्पॉट गोल्डचे दर १% नी घसरले
Image
सफाई कामगारांच्या पाल्यांना वारसा हक्क नियमानुसार शासकीय सेवेत सामावून घेण्याचे वैद्यकीय शिक्षणमंत्री अमित देशमुख यांचे निर्देश
Image
पिंपरी चिंचवड महानगरपालिकेचा भांडार व शिक्षण विभाग म्हणजे "उंदराला मांजर साक्ष" ; सामाजिक कार्यकर्ते दिपक खैरनार यांचा आरोप
Image
यूनियन बँकेने आंध्र बँकेच्या सर्व शाखांचे आयटी इंटिग्रेशन केले पूर्ण
Image
राज्यात येत्या ३० एप्रिलपर्यंत असलेल्या निर्बंधांच्या पार्श्वभूमीवर मुंबई महापालिकेच्या नव्या मार्गदर्शक सूचना जारी
Image