नाशिक महापालिकेचं २०२१- २२ या आर्थिक वर्षासाठी करवाढ नसलेलं २ हजार ३६१ कोटी ५६ लाख रुपयांचं अंदाजपत्रक सादर

 

मुंबई (वृत्तसंस्था) : नाशिक महापालिकेचं सन २०२१- २२ या आर्थिक वर्षासाठीचं, कोणतीही करवाढ नसलेलं २ हजार ३६१ कोटी ५६ लाख रुपयांचं अंदाजपत्रक आज महापालिका आयुक्त कैलास जाधव यांनी स्थायी समितीचे सभापती गणेश गीते यांना सादर केलं. या अंदाजपत्रकात कोविड चाचणी प्रयोगशाळा, तसंच स्मार्ट स्कूल या प्रकल्पासाठीही तरतूद केली आहे.

या अंदाजपत्रकात घर पट्टी वाढवली नसली, तरी वापरानुसार पाणी पट्टीचे दर असावेत, अशी सूचना आयुक्तांनी केली आहे. त्यासाठी टेलीस्कोपीक जलमापकाची सूचनाही आयुक्तांनी केली आहे.अंदाज पत्रकात रस्ते विकासाकरता २१० कोटी रुपये, पाणी पुरवठा विभागासाठी १२७ कोटी रुपये, तर विद्युत व्यवस्थेसाठी २५ कोटी ७४ लाख रुपयांची तरतूद केली आहे. महिला आणि बाल कल्याण विभागासाठी ३२ कोटी ६३ कोटी रुपयांची तरतूद असून शिक्षण विभागासाठी १३३ कोटी ४५ लाख रुपयांची तरतूद केली आहे.

नगरसेवक निधी म्हणून प्रत्येक नगरसेवकासाठी साडेदहा लाख रुपये अशी एकूण १३ कोटी ३४ लाख, तर नव्यानं सुरू होणाऱ्या परिवहन सेवेसाठी १०२ कोटी रुपयांची तरतूद केली आहे.

Popular posts
स्टडी ग्रूपची टीसाइड युनिव्हर्सिटीशी हातमिळवणी
Image
महसूल विभागातील शेवटचा घटक कोतवाल, ब्रिटिशकालीन पद आजही दुर्लक्षितच : महसूल कर्मचारी कोतवाल संघटना पुणे जिल्हा सचिव दशरथ सकट
Image
अमेरिकी ट्रेझरी उत्पन्न वाढल्याने गेल्या आठवड्यात स्पॉट गोल्डचे दर १% नी घसरले
Image
सफाई कामगारांच्या पाल्यांना वारसा हक्क नियमानुसार शासकीय सेवेत सामावून घेण्याचे वैद्यकीय शिक्षणमंत्री अमित देशमुख यांचे निर्देश
Image
पिंपरी चिंचवड महानगरपालिकेचा भांडार व शिक्षण विभाग म्हणजे "उंदराला मांजर साक्ष" ; सामाजिक कार्यकर्ते दिपक खैरनार यांचा आरोप
Image