मुंबईत १ हजार ६९३ इमारती आणि १८० झोपडपट्ट्या टाळेमुक्त

 

मुंबई (वृत्तसंस्था) : मुंबईत कोरोना नियंत्रणात येत असल्याचं चित्र दिसत आहे. महापालिकेनं गेल्या दहा दिवसात १ हजार ६९३ इमारतींना आणि १८० झोपडपट्ट्यांना टाळे मुक्त केलं आहे.

मुंबईत कोरोनाचा उद्रेक झाल्यापासून ५ हजार १८४ इमारती आणि ४४० झोपडपट्ट्या महापालिकेनं प्रतिबंधित म्हणून घोषित केल्या होत्या. सध्या ३ हजार ४९१ इमारती आणि २६० झोपडपट्ट्या प्रतिबंधित म्हणून कायम आहेत.

या प्रतिबंधित भागात जवळपास ३५ लाख म्हणजेच मुंबईच्या एकूण लोकसंखेच्या १७ टक्के लोकं राहत होते, अशी माहिती पालिकेच्या आरोग्य विभागानं दिली आहे. सध्या हा आकडा कमी होऊन २६ लाखांवर आला आहे.

म्हणजेच सध्या एकूण लोकसंख्येच्या १३ टक्के लोकं या प्रतिबंधित भागात राहत आहेत. सध्या मुंबईतला रुग्ण बरे होण्याचा दर ९३ टक्के आहे. मुंबईत चाचण्यांचं प्रमाण वाढवल्यामुळे रुग्ण निदान लवकर होऊन वेळीच उपचार मिळाल्यामुळे हे दिलासादायक चित्र असल्याचं अतिरिक्त आयुक्त सुरेश काकाणी यांनी म्हटलं आहे.

Popular posts
जगात कुठे ही नसतील इतक्या वेगानं आणि संख्येनं आपण महाराष्ट्रात आरोग्य सुविधा उभ्या केल्या, मुख्यमंत्र्यांच प्रतिपादन
Image
आमदार लक्ष्मण जगताप म्हणतात, हे तर मृताच्या टाळूवरचे लोणी खाण्याचा घृणास्पद प्रकार; खासगी रुग्णवाहिकांचे उपप्रादेशिक परिवहन कार्यालयाने संचलन करावे
Image
पिंपरी मर्चंन्ट फेडरेशनचा लॉकडाऊन विरोध : भाजपाचा व्यापाऱ्यांना पाठिंबा
Image
आर्थिक आणि नियामक धोरणांमुळं देशाच्या अर्थव्यवस्थेतली तूट भरून निघण्यास मदत होईल- आरबीआय
Image
महानगरपालिकेवर भगवा फडकविण्यासाठी शिवसैनिकांची वज्रमुठ बांधावी : ॲड. सचिन भोसले
Image