यंदा मका खरेदीची मर्यादा १५ लाख क्विंटल, तर बाजरी खरेदीची मर्यादा १ लाख ७०० क्विंटलपर्यंत वाढवण्याची अन्न आणि नागरी पुरवठामंत्री छगन भुजबळ यांची केंद्राकडे मागणी
• महेश आनंदा लोंढे
मुंबई (वृत्तसंस्था) : केंद्र शासन राज्य सरकारच्या माध्यमातून किमान आधारभूत किंमतीनं भरडधान्य योजनेअंतर्गत मका, बाजरी या पिकाची खरेदी करत असते. केंद्र सरकार मका आणि बाजरी खरेदीसाठी प्रत्येक वर्षी मर्यादा आखून देतं, पण या वर्षीच्या अधिक उत्पादनामुळे मका खरेदीची मर्यादा १५ लाख क्विंटल, तर बाजरी खरेदीची मर्यादा १ लाख ७०० क्विंटलपर्यंत वाढवण्याची मागणी अन्न आणि नागरी पुरवठामंत्री छगन भुजबळ यांनी केली आहे.
खरीप हंगाम २०२०-२१ साठी केंद्र सरकारनं ४ लाख ४ हजार ९०५ क्विंटल मका खरेदीला महाराष्ट्राला मान्यता दिली आहे. खरीप पणन हंगाम २०१९-२० अंतर्गत १ लाख ५० हजार क्विंटल संकरित ज्वारी आणि २ लाख ५० हजार क्विंटल मका खरेदी करायला मान्यता केंद्र सरकारनं दिली होती.
खरेदीची अंतिम मुदत ३० जून २०२० पर्यंत होती पण त्यावेळीही केंद्राकडे पाठपुरावा केल्यामुळे ही मर्यादा वाढवून ११ लाख ५ हजार क्विंटल करण्यात आली.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.