कोरोनाच्या वाढत्या प्रादुर्भावामुळे संसदेचं हिवाळी अधिवेशन रद्द

 

नवी दिल्ली (वृत्तसंस्था) : कोविड प्रादुर्भावाच्या पार्श्वभूमीवर संसदेचं हिवाळी अधिवेशन यंदा रद्द करण्यात आलं आहे. संसदीय कामकाजमंत्री प्रल्हाद जोशी यांनी ही माहिती दिली.

हिवाळ्याच्या प्रारंभी कोविड संसर्गात दिसून आलेली वाढ पाहता, हिवाळी अधिवेशन बोलवू नये, यावर, सर्वपक्षीय नेत्यांसोबत झालेल्या चर्चेत एकमत झाल्याचं, जोशी यांनी सांगितलं.

येत्या जानेवारी महिन्यात संसदेचं अर्थसंकल्पीय अधिवेशन बोलावलं जाईल, असं जोशी यांनी सांगितलं.