भारतीय निवडणूक आयोगाकडून मतदार यादी पुनर्निरीक्षण कार्यक्रम जाहीर

नवी दिल्ली (वृत्तसंस्था) : भारतीय निवडणूक आयोगानं मतदार यादी पुनर्निरीक्षण कार्यक्रम जाहीर केला आहे. याअंतर्गत मुंबईसाठी येत्या १७ नोव्हेंबर पासून १५ ‍डिसेंबर २०२० पर्यंत हरकती आणि दावे स्वीकारले जाणार आहेत.

१ जानेवारी २०२१ पर्यंत जे वयाची १८ वर्ष पूर्ण करतील, तसंच ज्यांची अजूनही मतदार म्हणून नोंदणी झाली नाही अशांनी आपल्या नावाचा मतदार यादीत समावेश करावा यासाठी अर्ज क्रमांक ६ भरून द्यायचा आहे.

मयत तसंच स्थलांतरीत मतदारांचा शोध घेऊन, त्यांचं नाव मतदार यादीतून कमी करायची कामही या कार्यक्रमाअंतर्गत होणार आहेत. त्यासाठी अर्ज क्रमांक ७ भरून द्यावा लागेल. मतदार यादीत नाव, वय, लिंग या बाबतीत झालेल्या चुकीच्या नोंदींच्या दुरुस्तीसाठी अर्ज क्रमांक ८ भरून द्यावा लागणार आहे.

हे सगळे अर्ज www.nvsp.in या पोर्टलवर ऑनलाईन पद्धतीनं भरता येतील तसंच अधिक माहितीसाठी १९५० या टोल फ्री क्रमांकाचा वापर करता अशी माहिती मुंबई शहर जिल्हाधिकारी तथा जिल्हा निवडणूक अधिकारी राजीव निवतकर यांनी दिली आहे.

 

 

Popular posts
नाशिक फाटा ते मोशी परिपूर्ण राष्ट्रीय महामार्ग अखेर दृष्टीक्षेपात !
Image
अधिसंख्य पदावरील अधिकारी व कर्मचाऱ्यांच्या नोकरीबाबत मंत्रीमंडळ उपसमितीची बैठक संपन्न
Image
कर्ज घेऊन व्यवसाय यशस्वी करणाऱ्या तरुणांची कोरोना संकटग्रस्तांना मदत
Image
पंतप्रधानांनी ‘आरंभ’ या एकात्मिक मुलभूत अभ्यासक्रमाच्या दुसऱ्या भागातील भारतीय नागरी सेवेच्या प्रशिक्षणार्थी अधिकाऱ्यांशी साधला संवाद
अन्न चाचणी प्रयोगशाळेतील रिक्तपदांसाठी लवकरच पदभरती - अन्न व औषध प्रशासन मंत्री डॉ.राजेंद्र शिंगणे
Image