बीडमधील हिंसाचार हे मोठे षडयंत्र असून याची एसआयटी चौकशी व्हावी, अशी धनंजय मुंडे यांची मागणी

 

मुंबई (वृत्तसंस्था) :  बीडमधील हिंसाचार हे मोठे षडयंत्र असून याची एसआयटी चौकशी व्हावी, अशी मागणी सरकारकडे करणार असल्याचं बीड जिल्ह्याचे पालकमंत्री धनंजय मुंडे यांनी आज बातमीदारांना सांगितलं. बीडमधील हिंसाचाराची पाहणी केल्यानंतर मुंडे यांनी आज पत्रकार परिषद घेतली. बीडमध्ये ज्या पद्धतीनं दुर्दैवी घटना घडल्या, तशा कधीच घडल्या नव्हत्या. अर्थाचा अनर्थ काढून जिल्हा पेटवण्याचा प्रयत्न समाजकंटकांनी केला. ज्या पद्धतीनं घटना घडल्यात त्यावरून हे मोठं षडयंत्र असल्याचं मुंडे यांनी सांगितलं. माजलगावात हिंसाचार रोखण्यासाठी गेलेल्या पोलिसांना लक्ष्य करण्यात आलं होतं. याप्रकरणात सहभागी असलेल्या प्रत्येकाला शिक्षा व्हायलाच हवी, असं सांगत या संपूर्ण प्रकरणाची एसआयटी चौकशी व्हावी अशी मागणी मुख्यमंत्री, उपमुख्यमंत्र्यांकडे करणार असल्याचंही मुंडे यांनी सांगितलं.

Popular posts
सिक्कीममधील पुरात १४ जणांचा मृत्यू, १०२ जण बेपत्ता
Image
‘वसुधैव कुटुंबकम्’चे उद्दिष्ट गाठण्यासाठी योग सहाय्यक - राज्यपाल
Image
करगिल युद्धातील विजयाच्या २२ व्या स्मृतीदिनानिमित्त देशभर विविध कार्यक्रमांद्वारे हुतात्म्यांना अभिवादन
Image
दावा न केलेल्या ठेवी शोधून त्या लाभार्थ्यांना परत मिळवून देण्यासाठी केंद्रीकृत संकेतस्थळ विकसित करण्याची भारतीय रिझर्व बँकेची घोषणा
Image
'इंद्रायणी स्वच्छता' जनजागृती मोहिमेअंतर्गत रीव्हर 'सायक्लोथॉन २०२२' रॅलीचे रविवारी आयोजन
Image