वीरमाता जिजाबाई भोसले वनस्पती उद्यान आणि प्राणिसंग्रहालय इथं दिनांक २ ते ८ ऑक्टोबर दरम्यान ‘वन्यजीव सप्ताहाचं’ आयोजन

 

मुंबई (वृत्तसंस्था) : वीरमाता जिजाबाई भोसले वनस्पती उद्यान आणि  प्राणिसंग्रहालय इथं  दिनांक २ ते ८ ऑक्टोबर  दरम्यान ‘वन्यजीव सप्ताह’ साजरा केला जात आहे.  या सप्ताहाचे औचित्य साधून उद्या ४ ऑक्टोबर रोजी सकाळी दहा वाजता भायखळा इथल्या  बृहन्मुंबई महानगरपालिकेच्या आण्णा भाऊ साठे नाट्यगृहात विविध कार्यक्रमांचं  आयोजन करण्यात आलं आहे. यामध्ये  सकाळी ८ ते १० या वेळेत बृहन्मुंबई महानगरपालिका आणि खासगी शाळांमधील इयत्ता ८ आणि  ९ वीच्या एक हजार विद्यार्थ्यांसाठी ‘मी आणि  राणीबाग’  आणि  ‘स्वच्छता ही सेवा’  यापैकी एका विषयावर चित्रकला स्पर्धेचं आयोजन या उद्यानात करण्यात आलं  आहे. तसंच  अण्णा भाऊ साठे नाट्यगृहात मान्यवरांच्या हस्ते  ‘Educational Activities by Zoo’ या पुस्तकाचा प्रकाशन सोहळा होणार आहे. त्यानंतर दुपारी २ ते सायंकाळी ५ या वेळेत वनस्पती उद्यान आणि  प्राणिसंग्रहालय इथं  जागतिक प्राणिपाल दिनाचा कार्यक्रम होणार आहे.राज्याचे शालेय शिक्षण आणि  मराठी भाषा मंत्री तसंच  मुंबईचे  पालकमंत्री  दीपक केसरकर,  त्याच बरोबर कौशल्य विकास उद्योजकता आणि नाविन्यता मंत्री आणि  मुंबई उपनगरचे  पालकमंत्री  मंगल प्रभात लोढा यांच्या प्रमुख उपस्थितीत हा सोहळा होणार आहे.

Popular posts
सिक्कीममधील पुरात १४ जणांचा मृत्यू, १०२ जण बेपत्ता
Image
‘वसुधैव कुटुंबकम्’चे उद्दिष्ट गाठण्यासाठी योग सहाय्यक - राज्यपाल
Image
करगिल युद्धातील विजयाच्या २२ व्या स्मृतीदिनानिमित्त देशभर विविध कार्यक्रमांद्वारे हुतात्म्यांना अभिवादन
Image
दावा न केलेल्या ठेवी शोधून त्या लाभार्थ्यांना परत मिळवून देण्यासाठी केंद्रीकृत संकेतस्थळ विकसित करण्याची भारतीय रिझर्व बँकेची घोषणा
Image
'इंद्रायणी स्वच्छता' जनजागृती मोहिमेअंतर्गत रीव्हर 'सायक्लोथॉन २०२२' रॅलीचे रविवारी आयोजन
Image