देशातल्या पारंपरिक बियाण्यांचं संरक्षण आणि संवर्धन बीज सहकारिता कृषी समिती करेल - केंद्रीय मंत्री अमित शहा

 


नवी दिल्ली (वृत्तसंस्था) : देशातल्या पारंपरिक बियाण्यांचं संरक्षण आणि संवर्धन तसंच ही बियाणी जगभरातल्या शेतकऱ्यांना उपलब्ध करुन देण्याचं काम बीज सहकारिता कृषी समिती करेल असं प्रतिपादन सहकार मंत्री अमित शहा यांनी आज केलं. बीज सहकारिता कृषी समितीने ‘सहकार क्षेत्राच्या माध्यमातून सुधारित आणि पारंपारिक बियाणांचं उत्पादन’ या विषयावर नवी दिल्लीत आयोजित केलेल्या चर्चासत्राला ते संबोधित करत होते. जगातील एकूण बीज उत्पादनात भारताचा वाटा एक टक्क्याहूनही कमी आहे. वैज्ञानिक पद्धतीने उत्पादित बियाणे भारतीय शेतकऱ्यांच्या वापरात नसतात. त्यामुळे बीज उत्पादन आणि बीजनिर्यातीकडे शेतकऱ्यांनी लक्ष द्यावं असा आवाहनही शहा यांनी यावेळी केलं. भारतीय बीज सहकारी समितीची उद्दिष्टं, पिकांची पोषकमूल्ये आणि उत्पादन याबाबतीत बियाणांचं महत्व, छोट्या तसंच मध्यम शेतकऱ्यांच्या विकासात सहकारी समित्यांची भूमिका अशा विषयांवर या चर्चासत्रात चर्चा होत आहे. 

Popular posts
सिक्कीममधील पुरात १४ जणांचा मृत्यू, १०२ जण बेपत्ता
Image
‘वसुधैव कुटुंबकम्’चे उद्दिष्ट गाठण्यासाठी योग सहाय्यक - राज्यपाल
Image
करगिल युद्धातील विजयाच्या २२ व्या स्मृतीदिनानिमित्त देशभर विविध कार्यक्रमांद्वारे हुतात्म्यांना अभिवादन
Image
दावा न केलेल्या ठेवी शोधून त्या लाभार्थ्यांना परत मिळवून देण्यासाठी केंद्रीकृत संकेतस्थळ विकसित करण्याची भारतीय रिझर्व बँकेची घोषणा
Image
'इंद्रायणी स्वच्छता' जनजागृती मोहिमेअंतर्गत रीव्हर 'सायक्लोथॉन २०२२' रॅलीचे रविवारी आयोजन
Image