NCCF ला प्रत्येकी एक लाख मेट्रिक टन कांदा खरेदीचा केंद्र सरकारचा आदेश

 

नवी दिल्ली (वृत्तसंस्था) : कांद्याच्या निर्यात शुल्का संबंधी केंद्र सरकारनं घेतलेल्या निर्णयानंतर नाफेड आणि NCCF ला प्रत्येकी एक लाख मेट्रिक टन कांदा खरेदीचा आदेश केंद्र सरकारनं दिला आहे. त्यानंतर नाशिक विभागातील  एकूण 13 केंद्रावर गेल्या दोन दिवसांत 1 हजार 340 मेट्रीक टन कांदा खरेदी केल्याची माहिती NCCF चे अध्यक्ष विशाल सिंग यांनी आज नाशिक जिल्हाधिकारी कार्यालयात घेतलेल्या पत्रकार परिषदेत दिली. 

कांदा खरेदीची माहिती देताना सिंग यांनी सांगितलं की, यंदा प्रथमच एनसीसीएफनं  कांद्याची खरेदी केली आहे. केंद्र सरकारनं एनसीसीएफला पाच लाख मेट्रिक टनचं उद्दिष्ट दिलं आहे. त्यापैकी तीन लाख मेट्रिक टन खरेदी यापूर्वीच झाली आहे. उर्वरित दोन लाख मेट्रिक टनपैकी एक लाख मॅट्रिक टनाची खरेदी एनसीसीएफनं सुरू केली आहे. 

कांदा खरेदी बरोबर एनसीसीएफ दिल्ली, आंध्र प्रदेश, कर्नाटक, तेलंगणा, आसामसह विविध राज्यांत कांद्याचा पुरवठा करत असल्याची माहिती सिंह यांनी दिली. आतापर्यंत एकूण 2 हजार 700 मॅट्रिक टन कांदा इतर राज्यांत पाठवल्याचं त्यांनी यावेळी सांगितलं.

Popular posts
भारताला रशियाकडून एस ४०० क्षेपणास्त्र प्रणाली खरेदी करण्यावर निर्बंध न लादण्याचा अमेरिकेचा निर्णय
Image
डीआरडीओने विकसित केलेल्या स्वदेशी अँटी रेडिएशन क्षेपणास्त्राच्या (रूद्रम) उड्डाणाची चाचणी यशस्वी
Image
लाल समुद्र आणि एडनच्या आखातातल्या जहाजांवरचे हल्ले थांबवण्याचं संयुक्त राष्ट्रांच्या सुरक्षा परिषदेचं हौती दहशतवाद्यांना आवाहन
Image
जगतगुरु तुकोबाराय साहित्य परिषदच्या वतीने संतश्रेष्ठ तुकाराम महाराज यांची जयंती, भक्ती शक्ती शिल्प निगडी येथे मोठ्या उत्साहात साजरी
Image
14 नोव्हेंबर ते 30 नोव्हेंबर या कालावधीत अनाथ प्रमाणपत्र पंधरवड्याचे आयोजन
Image