बनावट प्रमाणपत्राच्या आधारे मेडिकल कॉऊंसिलला नोंदणी मिळवल्याप्रकरणी देशभरात ९१ ठिकाणी सीबीआयचे छापे

 

नवी दिल्ली (वृत्तसंस्था) : परदेशात वैद्यकीय पदवी घेतल्याच्या बनावट प्रमाणपत्राच्या आधारे मेडिकल कॉऊंसिलला नोंदणी मिळवल्याप्रकरणी कथित अनियमितता आढळल्यावरून आज सीबीआयनं देशभरात ९१ ठिकाणी छापे टाकले. यात राज्यातल्या मुंबई, पुणे, जळगाव, बुलडाणा या शहरांचा समावेश आहे.

सीबीआयनं यासंदर्भात २१ डिसेम्बरला राज्यातल्या मेडिकल कॉऊंसिलमधल्या अज्ञात सरकारी कर्मचाऱ्यांच्या विरोधात तक्रार दाखल केली होती. देशातल्या विविध राज्यात परदेशी शिकून आलेल्या ७३  वैद्यकीय पदवीधारांनी अनिवार्य पात्रता परीक्षेत पात्र ठरलेले नसतानाही मेडिकल कॉउंसिलमध्ये नोंदणी करून घेतली असल्याचा आरोप यात ठेवला आहे.