गुजरात विधानसभा निवडणुकीच्या पहिल्या टप्प्यातला प्रचार आज संपणार

 

नवी दिल्ली (वृत्तसंस्था) : गुजरात विधानसभा निवडणुकीच्या पहिल्या टप्प्यातला प्रचार आज संध्याकाळी संपणार आहे. १ डिसेंबर रोजी होणाऱ्या मतदानाची तयारी निवडणूक आयोगानं पूर्ण केली आहे. या टप्प्यात १९ जिल्ह्यांतील ८९ जागांसाठी मतदान होणार आहे. पहिल्या टप्प्यातलं मतदान अत्यंत महत्त्वाचं मानलं जात आहे.कच्छ, सुरेंद्रनगर, मोरबी, राजकोट, जामनगर, देवभूमी द्वारका, पोरबंदर, जुनागढ, गीर सोमनाथ, अमरेली, भावनगर, बोताड, नर्मदा, भरूच, सुरत, तापी, डांग्स, नवसारी आणि वलसाड या जिल्ह्यांमध्ये विधानसभा मतदान होणार आहे. मुख्य लढत काँग्रेस, भारतीय जनता पक्ष आणि आम आदमी पार्टी यांच्यात आहे.