भारत नेमबाजी विश्वचषक स्पर्धेत पदक तालिकेत अग्रस्थानी

 


नवी दिल्ली (वृत्तसंस्था) : दक्षिण कोरियात चांगवॉन इथं आयोजित नेमबाजी विश्वचषक स्पर्धेत भारतानं पदक तालिकेत अग्रस्थान पटकावलं आहे. या स्पर्धेत भारतानं ३ सुवर्ण, चार रौप्य आणि एका कांस्य पदकासह एकूण ८ पदकांची कमाई केली आहे. आज दहा मीटर एअर रायफल प्रकारात अर्जुन बबुता, शाहू तुषार माने, आणि पार्थ मखेजा या त्रिकुटांना दक्षिण कोरियाच्या संघावर १७-५ नं मात करत देशाला तिसरं सुवर्णपदक मिळवून दिलं, तर याच प्रकारात महिलांमधे एलावेनी वलावीरन, मेहुली घोष आणि रमिता यांनी रौप्य पदक मिळवलं. पुरुषांच्या दहा मीटर एअर पिस्तुल प्रकारात भारतीय संघानं इटलीच्या अनुभवी संघाशी चुरशीची लढत दिली. त्यांना १५-१७ असा पराभव पत्करावा लागला. मात्र त्यांनी देशाला रौप्य पदक मिळवून दिलं. याच प्रकारात महिला संघानं कोरियाच्या दर्जेदार संघाचा सामना करत रौप्य पदक मिळवलं.

Popular posts
शिवछत्रपती राज्य क्रीडा पुरस्कारासाठी ३० जानेवारीपर्यंत अर्ज आमंत्रित
Image
एसटीच्या प्रवाशांना स्वस्त दरात “नाथजल” या शुद्ध पेयजल योजनेचं लोकार्पण
Image
चष्म्याच्या दुकानांना लॉकडाऊन मधून वगळा : आप्टीकल ट्रेडर्स असोसिएशनची मुख्यमंत्री, उपमुख्यमंत्री यांच्याकडे मागणी
Image
जगतगुरु तुकोबाराय साहित्य परिषदच्या वतीने संतश्रेष्ठ तुकाराम महाराज यांची जयंती, भक्ती शक्ती शिल्प निगडी येथे मोठ्या उत्साहात साजरी
Image
गोंडवाना विद्यापीठाचे परीक्षा मॉडेल राज्यात अग्रस्थानावर – उच्च व तंत्रशिक्षण मंत्री उदय सामंत
Image