मुंबईचे माजी पोलीस आयुक्त संजय पांडे यांच्याविरुद्ध सीबीआयकडून गुन्हा दाखल

 


मुंबई (वृत्तसंस्था) : सीबीआयनं एक खासगी कंपनी, तिचे तत्कालीन संचालक आणि इतर अधिकारी, तसंच राष्ट्रीय शेयर बाजाराचे चार अधिकारी आणि इतर अज्ञातांविरुद्ध आज गुन्हा दाखल केला. यातील मुख्य आरोपींमध्ये मुंबईचे माजी पोलीस आयुक्त संजय पांडे, आणि NSE, अर्थात राष्ट्रीय शेअर बाजाराचे माजी व्यवस्थापकीय संचालक रवी नारायण आणि चित्रा रामकृष्ण यांचा समावेश आहे. २००९ ते २०१७ या कालावधीत NSE च्या उच्च व्यवस्थापनानं खाजगी कंपनीच्या संगनमतानंबेकायदेशीररित्या कर्मचार्‍यांचे फोन टेपिंग केल्याचा संदर्भात केंद्रीय गृह मंत्रालयाच्या आदेशावरून ही कारवाई केली आहे. NSE च्या उच्च अधिकार्‍यांनी बेकायदेशीररित्या कर्मचार्‍यांचे फोन टेप केले, असा आरोप त्यांच्यावर आहे. या कॉल्सच्या ट्रान्स्क्रिप्ट्स खाजगी कंपनीने NSE च्या वरिष्ठ अधिकार्‍यांना पुरवल्या होत्या आणि यासाठी अंदाजे ४ कोटी ४५ लाख रुपये या खाजगी कंपनीला दिल,असाही आरोप आहे. सीबीआयनं आज संजय पांडे यांच्या घरावर आणि मुंबई, पुणे, कोटा, लखनौ आणि दिल्ली एनसीआर अशा देशभरातल्या १८ ठिकाणांवर छापे मारले. संजय पांडे घरातून बेपत्ता असून, सीबीआय शोध घेत आहे.

 

 

Popular posts
शिवछत्रपती राज्य क्रीडा पुरस्कारासाठी ३० जानेवारीपर्यंत अर्ज आमंत्रित
Image
एसटीच्या प्रवाशांना स्वस्त दरात “नाथजल” या शुद्ध पेयजल योजनेचं लोकार्पण
Image
चष्म्याच्या दुकानांना लॉकडाऊन मधून वगळा : आप्टीकल ट्रेडर्स असोसिएशनची मुख्यमंत्री, उपमुख्यमंत्री यांच्याकडे मागणी
Image
जगतगुरु तुकोबाराय साहित्य परिषदच्या वतीने संतश्रेष्ठ तुकाराम महाराज यांची जयंती, भक्ती शक्ती शिल्प निगडी येथे मोठ्या उत्साहात साजरी
Image
गोंडवाना विद्यापीठाचे परीक्षा मॉडेल राज्यात अग्रस्थानावर – उच्च व तंत्रशिक्षण मंत्री उदय सामंत
Image