राष्ट्रपती रामनाथ कोविंद यांच्या हस्ते शौर्य पुरस्कार प्रदान

 


नवी दिल्ली (वृत्तसंस्था) : विशेष उल्लेखनीय कार्य करणाऱ्या जवानांना आज राष्ट्रपती भवनात राष्ट्रपती रामनाथ कोविंद यांच्या हस्ते शौर्य पुरस्कार देऊन सन्मानित करण्यात आलं. केद्रीय राखीव पोलीस दलाचे कुलदीप कुमार, के पुर्णानंद आणि विकास कुमार यांना जम्मू काश्मिर इथं दहशतवाद्याबरोबर लढताना वीर मरण प्राप्त झालं. त्यांना मरणोत्तर शौर्य चक्र देण्यात आलं. या दोन्ही जवानांच्या वीरपत्नींनी हा बहुमान स्विकारला. हवाई दलाचे ग्रुप कॅप्टन वरुण सिंग यांना मरणोत्तर शौर्य चक्र प्रदान करण्यात आलं. त्यांच्या वीरपत्नी गीतांजली सिंग यांनी प्रशस्तीपत्र आणि पदक स्वीकारलं. ओडीशा पोलिसांचे कमांडो देवाशीष कुमार सेठी यांना ओडीशातल्या कालाहांडी जिल्ह्यात माओवाद्यांबरोबर लढताना वीर मरण आलं. त्यांनाही शौर्य चक्र देण्यात आलं. त्यांचे बाबा सनातन सेठी आणि आई छाई सेठी यांनी हा पुरस्कार स्वीकारला. तसंच काश्मिर खोऱ्यात दहशतवाद्यांशी लढताना जम्मू काश्मिर पोलिसांचे विशेष पोलीस अधिकारी शाहबाज अहमद यांनाही मरणोत्तर शौर्य चक्र देण्यात आलं. त्यांचे बाबा अब्दूल अजिज यांनी हा पुरस्कार स्वीकारला. लेफ्टनंट जनरल माधुरी कानिटकर यांना निवृत्ती पश्चात परम विशिष्ट सेवा पदक प्रदान करण्यात आलं. यावेळी प्रधानमंत्री नरेंद्र मोदी, संरक्षणमंत्री राजनाथ सिंग आणि इतर केंद्रीयमंत्री उपस्थित होते.

Popular posts
महाराष्ट्र राज्य इतर मागासवर्गीय वित्त आणि विकास महामंडळामार्फत थेट कर्ज योजना राबवली जाते
Image
‘यपटीव्ही’ने आयपीएल २०२१च्या ब्रॉडकास्टिंगचे अधिकार मिळवले
Image
भारतीय प्रशासकीय सेवेतले ज्येष्ठ अधिकारी गौरव द्विवेदी यांनी प्रसारभारतीचे मुख्य कार्यकारी अधिकारी म्हणून पदभार स्वीकारला
Image
वैद्यकीय ऑक्सिजन उत्पादन वाढवण्यासाठी 'एमजी मोटर इंडिया'चा पुढाकार
Image
'इंद्रायणी स्वच्छता' जनजागृती मोहिमेअंतर्गत रीव्हर 'सायक्लोथॉन २०२२' रॅलीचे रविवारी आयोजन
Image