कायदा हातात घेणाऱ्यांवर कठोर कारवाई करण्याचा पोलीस महासंचालकांचा इशारा

 

मुंबई (वृत्तसंस्था) : राज्यातील कायदा आणि सुव्यवस्था हाताळण्यास पोलीस दल सक्षम आहे. कुणीही कायदा हातात घेतल्यास त्यांच्यावर कठोर कारवाई केली जाईल, असा इशारा राज्याचे पोलीस महासंचालक रजनीश सेठ यांनी आज घेतलेल्या पत्रकार परिषदेत दिला आहे.

महाराष्ट्र नवनिर्माण सेनेनं बुधवारी राज्यात आंदोलन करणार असल्याचं जाहीर केलं आहे. त्यापार्श्वभूमीवर आज गृहमंत्री दिलीप वळसे पाटील यांनी पोलीस महासंचालकांबरोबर बैठक घेतली. या बैठकीत राज्यातील कायदा आणि सुव्यवस्थेचा आढावा घेण्यात आला. गृहमंत्र्यांबरोबर झालेल्या बैठकीनंतर पोलीस महासंचालकांनी पत्रकार परिषद घेतली.

पोलीस महासंचालकांनी सांगितलं की, औरंगाबाद इथं महाराष्ट्र नवनिर्माण सेनेचे अध्यक्ष राज ठाकरे यांनी केलेल्या भाषणाची पडताळणी पोलिसांनी केली आहे. त्याचा अहवाल तयार केला असल्याचंही पोलीस महासंचालकांनी सांगितलं आहे. 

सामाजिक एकोपा रहावा यासाठी स्थानिक पातळीवर अनेक बैठका घेतल्या आहेत. तसंच खबरदारीचा उपाय म्हणून राज्यात ठिकठिकाणी राज्य राखीव पोलिस दलाच्या ८७ तुकड्या,  ३० हजार होमगार्ड तैनात केले आहेत.

१५ हजार जणांवर प्रतिबंधात्मक कारवाई केली आहे. त्यानंतरही जातीय तेढ निर्माण करण्याचा कुणी प्रयत्न केल्यास त्याच्यावर कडक कारवाई केली जाईल, असंही पोलीस महासंचालकांनी सांगितलं. 

Popular posts
वादमुक्त, शांत, घुसखोरी मुक्त आणि शस्त्रास्त्र मुक्त ईशान्य भारत घडवण्याचा सरकारचा उद्देश असल्याची केंद्रीय गृहमंत्री अमित शहा यांची ग्वाही
Image
केंद्र सरकारला ३० हजार कोटींहून अधिक निधी द्यायला रिझर्व्ह बँकेच्या संचालक मंडळाची मंजुरी
Image
भारतीय आंबा पोहोचणार व्हाइट हाऊसमध्ये
Image
शिवछत्रपती पुरस्कार नियमावलीच्या सुधारणाबाबत खेळाडू, नागरिक,संघटना यांच्याकडून सूचना व अभिप्राय 22 जानेवारीपर्यंत पाठविण्याचे आवाहन
Image
पेट्रोल आणि डिझेलच्या भावातली घट विविध क्षेत्रांवर सकारात्मक परिणाम करणार असल्याचं प्रधानमंत्री नरेंद्र मोदी यांचं प्रतिपादन
Image