फ्रान्ससह ३ युरोपीयन देशांचा यशस्वी दौरा आटोपून प्रधानमंत्री मायदेशी परतले

 

नवी दिल्ली (वृत्तसंस्था) : प्रधानमंत्री नरेंद्र मोदी जर्मनी, डेन्मार्क आणि फ्रांसच्या यशस्वी दौऱ्यानंतर आज सकाळी मायदेशी परतले. प्रधानमंत्र्यांचा या वर्षातला हा पहिलाच दौरा होता. सुरवातीला प्रधानमंत्र्यानी जर्मनीचे चान्सलर ओलाफ स्कोल्झ यांच्या बरोबर द्वीपक्षीय चर्चा केली.

त्यानंतर सहाव्या आंतर-सरकार सल्लागार परिषदेला दोन्ही नेत्यांनी एकत्रितपणे संबोधीत केलं. त्यानंतर दोन्ही नेत्यांनी वार्ताहर परिषदेलाही एकत्रितपणे संबोधित केलं. त्यानंतर प्रधानमंत्री नरेंद्र मोदी यांनी काल पॅरीसमध्ये फ्रान्सचे अध्यक्ष इमान्युएल मॅक्रॉन यांच्याशी संरक्षण, अंतराळ विज्ञान, नील अर्थव्यवस्था, नागरी अण्वस्त्र वापर आणि परस्पर हिताच्या विविध मुद्द्यांवर चर्चा केली.

तसंच प्रादेशिक आणि जागतिक सुरक्षेचा आढावा त्यांनी घेतला. जागतिक हितासाठी एकत्रितपणे काम करण्यासाठी भारत आणि फ्रान्स यांच्यात धोरणात्मक भागीदारी करण्याबाबतही या चर्चा झाली. प्रधानमंत्री नरेंद्र मोदी यांच्या फ्रान्स दौऱ्यामुळे दोन्ही देशातले संबंध अधिक दृढ झाले आहेत. मोदी यांनी फ्रान्सच्या अध्यक्षांना भारत भेटीवर येण्याचं आमंत्रण दिलं असल्याचं या बैठकीनंतर जारी केलेल्या संयुक्त पत्रकाद्वारे सांगण्यात आलं. 

Popular posts
वादमुक्त, शांत, घुसखोरी मुक्त आणि शस्त्रास्त्र मुक्त ईशान्य भारत घडवण्याचा सरकारचा उद्देश असल्याची केंद्रीय गृहमंत्री अमित शहा यांची ग्वाही
Image
केंद्र सरकारला ३० हजार कोटींहून अधिक निधी द्यायला रिझर्व्ह बँकेच्या संचालक मंडळाची मंजुरी
Image
भारतीय आंबा पोहोचणार व्हाइट हाऊसमध्ये
Image
शिवछत्रपती पुरस्कार नियमावलीच्या सुधारणाबाबत खेळाडू, नागरिक,संघटना यांच्याकडून सूचना व अभिप्राय 22 जानेवारीपर्यंत पाठविण्याचे आवाहन
Image
पेट्रोल आणि डिझेलच्या भावातली घट विविध क्षेत्रांवर सकारात्मक परिणाम करणार असल्याचं प्रधानमंत्री नरेंद्र मोदी यांचं प्रतिपादन
Image