राज्यात सीएनजी इंधनावरचा मुल्यवर्धीत कर साडेतेरावरुन ३ टक्क्यावर

 

मुंबई (वृत्तसंस्था) : उपमुख्यमंत्री आणि अर्थमंत्री अजित पवार यांनी अर्थसंकल्पात घोषणा केल्याप्रमाणे सीएनजी इंधनावरचा मुल्यवर्धीत कर साडेतेरा टक्क्यांवरुन ३ टक्के इतका कमी केल्याची अधिसूचना काल विधीमंडळ अधिवेशनाच्या शेवटच्या दिवशी जारी करण्यात आली. या अधिसूचनेनुसार दि. १ एप्रिलपासून राज्यात सीएनजी इंधन स्वस्त होणार असून याचा फायदा ऑटोरिक्शा, टॅक्सी चालकांसह, प्रवासी वाहतूक करणारी वाहने तसेच नागरिकांना होणार आहे. प्रदुषण नियंत्रणासाठीही हा निर्णय महत्वाचा ठरणार आहे.