चीनमध्ये वैद्यकीय शिक्षणासाठी जाताना विशेष काळजी घेण्याचं केंद्र सरकारचं विद्यार्थ्यांना आवाहन
• महेश आनंदा लोंढे
नवी दिल्ली (वृत्तसंस्था) : वैद्यकीय अभ्यासक्रमासाठी परदेशात जाताना विद्यार्थ्यांनी संबंधीत देश निवडताना विशेष काळजी घ्यावी, असं आवाहन राष्ट्रीय वैद्यकीय नियामक आयोगानं केलं आहे. विशेषत: चीनच्या पार्श्वभूमीवर हे आवाहन करण्यात आलं आहे. कोरोनाच्या पार्श्वभूमीवर चीन प्रशासनानं परदेशी विद्यार्थ्यांना वैद्यकीय अभ्यासक्रमासाठी बंदी आणली आहे. तरिही काही चीनी वैद्यकीय विद्यापीठं परदेशी विद्यार्थ्यांना अभ्यासक्रमासाठी निमंत्रणं देत आहेत. खबरदारीची बाब म्हणून आयोगानं परराष्ट मंत्रलयाच्या इशाऱ्या नंतर हे आवाहन केलं आहे. कोरोनामुळे वैद्यकीय शिक्षण घेणाऱ्या बऱ्याच विद्यार्थ्यांना आपलं वैद्यकीय शिक्षण अर्धवट सोडून चीनमधून मायदेशी परतावं लागलं होतं त्यांना आपला अभ्यासक्रम पूर्ण करण्यासाठी अजूनही चीनमध्ये जाता येत नाहीये म्हणून हा इशारा वजा आवाहन देशातल्या इच्छुक विद्यार्थ्यांना करण्यात आला आहे.
SR. NO.9/9, MAHATMA PHULE ROAD, MALI ALI, NEAR OLD MAHADEV TEMPLE, BHOSARI, DIST-PUNE-411039, MAHARASHTRA
About
भारत सरकार मान्यता प्राप्त व महाराष्ट्रातून नियमित प्रकाशित होणारे साप्ताहिक एकच ध्येय वृत्तपत्र आहे. सामाजिक बांधिलकीतून व नागरिकांच्या अडी-अडचणी तसेच शासन व प्रशासनाच्या नागरिकांच्या कल्याणासाठी असणाऱ्या बातम्या, आमच्या वृत्तपत्रातून व www.ekachdhyeya.com या वेबसाईटवर नियमित प्रकाशित करत आहोत.