कोरोना प्रतिबंधक लशींच्या १५२ कोटींहून अधिक मात्रांचा देशवासियांना लाभ

 

नवी दिल्ली (वृत्तसंस्था) : केंद्रीय आरोग्य मंत्रालयाने सांगितलं की देशव्यापी लसीकरण मोहिमेअंतर्गत १५२ कोटींहून अधिक मात्रा लाभार्थ्यांना देऊन झाल्या आहेत. यातल्या २९ लाख ६० हजारपेक्षा जास्त मात्रा काल दिवसभरात देण्यात आल्या. गेल्या २४ तासात कोविड संसर्ग झालेले एक लाख ७९ हजार नवे रुग्ण आढळले असून उपचाराधीन रुग्णांची संख्या ७ लाख २३ हजारावर पोहोचली आहे. काल दिवसभरात ४६ हजार ५६९ रुग्ण कोविडमुक्त झाले असून रुग्ण बरे होण्याचा दर ९६ पूर्णांक ६२ शतांश टक्क्यांवर पोहोचला आहे. आतापर्यंत ३ कोटी ४५ लाख रुग्णांनी कोरोनावर मात केली आहे. देशात ओमायक्रॉनची लागण झालेले ४ हजार ३३ रुग्ण आतापर्यंत आढळले असून त्यातले एक हजार ५५२ बरे झाले आहेत. सर्वाधक एक हजार २१६ रुग्ण महाराष्ट्रात आढळले असून राजस्थानात ५२९ तर दिल्लीत ५१३ रुग्ण आढळले आहेत. २७ राज्य किंवा केंद्रशासित प्रदेशांमधे या आजाराचा प्रादुर्भाव आढळला आहे. देशभरात आतापर्यंत ६९ कोटी १६ लाखपेक्षा जास्त नमुन्यांची तपासणी कोविडसाठी करण्यात आल्याची माहिती आरोग्यमंत्रालयाने दिली.

Popular posts
नगरसेवक नामदेव ढाके यांच्या तहसिल आपल्या दारी मोफत उपक्रमात नागरिकांना उत्पन्नाच्या दाखल्यांचे वाटप  
Image
कोरोनाचा सर्वाधिक प्रभाव असलेल्या देशातून मुंबईत येणाऱ्या प्रवाशांसाठी आरटीपीसीआर चाचणी अनिवार्य
Image
घरीच कोरोना चाचणी केलेल्या नागरिकांना चाचणीचे निष्कर्ष संबंधित वेबसाइट आणि स्थानिक प्रशासनाला कळविण्याचं राज्य सरकारचं आवाहन
Image
महिला आणि बालविकास विभागाच्या जिल्हास्तरीय विविध कार्यालयांना एकाच छताखाली आणण्याचा निर्णय
Image
लसीकरणाविषयी असलेले गैरसमज दूर करण्याचं प्रधानमंत्री नरेंद्र मोदी यांचं आवाहन
Image