देशभरात आरोग्य कर्मचारी आणि आघाडीवरच्या कर्मचाऱ्यांसाठीच्या प्रतिबंधात्मक लसीकरणाला सुरुवात

 

नवी दिल्ली (वृत्तसंस्था) : लसीकरण मोहिमेअंतर्गत कोविड योद्ध्यांना अधिक संरक्षण देणारी लशीची प्रतिबंधात्मक मात्रा द्यायला आज पासून सुरुवात झाली. यामध्ये आरोग्य कर्मचारी, आघाडीवरचते कर्मचारी, अत्यावश्यक सेवेतले कर्मचारी यांचा समावेश आहे. विविध आजारांनी ग्रस्त असलेल्या ज्येष्ठ नागरिकांनाही आजपासून प्रतिबंधात्मक मात्र देण्याची सुरुवात झाली. आतापर्यंत सुमारे १ लाख ५९ हजार जणांनी ही प्रतिबंधात्मक मात्रा घेतली आहे. या मात्रेसाठी वेगळी नोंदणी करण्याची आवश्यकता नाही असं केंद्रीय आरोग्य मंत्रालयाने दिशानिर्देशात स्पष्ट केलं आहे. पात्र लाभार्थ्यांना कोविन मंचावरुन आठवण करुन देणारे एसेमेस जातील. भेटीची वेळ ऑनलाईन निश्चित करुन अथवा थेट लसकेंद्रावर जाऊन लस घेता येईल. ज्या लाभार्थ्यांनी दुसरी मात्रा घेतल्यानंतर ९ महिने किंवा ३९ आठवडे उलटले असतील त्यांना प्राधान्याने लस देण्यात येईल. आधी लसीकरण मोहिमेअंतर्गत घेतलेल्या लशीचीच वर्धक मात्रा घ्यायची आहे.

Popular posts
शिवछत्रपती राज्य क्रीडा पुरस्कारासाठी ३० जानेवारीपर्यंत अर्ज आमंत्रित
Image
गोंडवाना विद्यापीठाचे परीक्षा मॉडेल राज्यात अग्रस्थानावर – उच्च व तंत्रशिक्षण मंत्री उदय सामंत
Image
एसटीच्या प्रवाशांना स्वस्त दरात “नाथजल” या शुद्ध पेयजल योजनेचं लोकार्पण
Image
चष्म्याच्या दुकानांना लॉकडाऊन मधून वगळा : आप्टीकल ट्रेडर्स असोसिएशनची मुख्यमंत्री, उपमुख्यमंत्री यांच्याकडे मागणी
Image
जगतगुरु तुकोबाराय साहित्य परिषदच्या वतीने संतश्रेष्ठ तुकाराम महाराज यांची जयंती, भक्ती शक्ती शिल्प निगडी येथे मोठ्या उत्साहात साजरी
Image