राज्यात कोविड-१९ रुग्णांची संख्या ३६ हजारापेक्षा जास्त

 

मुंबई (वृत्तसंस्था) : राज्यात काल कोविड-१९ च्या ३६ हजार २६५ नव्या रुग्णांची नोंद झाली. मुंबईत सर्वाधिक २० हजार १८१ रुग्ण आढळले आहेत. राज्यात आता अॅक्टीव्ह रुग्णांची संख्या १ लाख १४ हजार ८४७ वर पोचली असून, त्यापैकी मुंबईत ७९ हजार २६० रुग्ण आहेत. मुंबईत काल आढळलेल्या रुग्णांपैकी १७ हजार १५४ म्हणजे ८५ टक्के रुग्णांमधे कोणतीही लक्षणं नाहीत. त्यामुळे १ हजार १७० रुग्णांना रुग्णालयात दाखल करावं लागलं. राज्यात काल ८ हजार ९०७ रुग्ण बरे होऊन घरी गेले, तर १३ रुग्णांचा मृत्यू झाला. राज्यात आतापर्यंत ६७ लाख ९३ हजार २९७ जणांना कोरोनाची लागण झाली त्यापैकी आतापर्यंत ६५ लाख ३३ हजार १५४ रुग्ण बरे झाले. तर, १ लाख ४१ हजार ५९४ रुग्णांचा मृत्यू झाला. राज्यात रुग्ण बरे होण्याचं प्रमाण ९६ पूर्णांक १७ शतांश टक्के झालं आहे. तर, मृत्यूदर २ पूर्णांक ८ शतांश टक्के आहे. राज्यात काल ओमायक्रॉनचा संसर्ग झाले ७९ रुग्ण आढळले. त्यापैकी मुंबईत ५७, ठाणे महानगरपालिका ७, नागपूर ६, पुणे महानगरपालिका ५, पुणे ग्रामीण ३, तर पिंपरी चिंचवडमध्ये एक रुग्ण आढळला. राज्यात आतापर्यंत एकूण ८७६ ओमायक्रॉनबाधीत रुग्णांची नोंद झाली. त्यापैकी ३८१ रुग्णांना, त्यांची आरटीपीसीआर चाचणी निगटिव्ह आल्यानंतर रुग्णालयातून, घरी सोडलं असल्याचं आरोग्य विभागानं कळवलं आहे.

Popular posts
महाराष्ट्र राज्य इतर मागासवर्गीय वित्त आणि विकास महामंडळामार्फत थेट कर्ज योजना राबवली जाते
Image
अमेरिकेत मंकीपॉक्स सार्वजनिक आरोग्य विषयक आणीबाणी म्हणून जाहीर
Image
भंडारा महिला अत्याचार प्रकरणी दोषींवर कडक कारवाई करावी – उपसभापती डॉ. नीलम गोऱ्हे
Image
नैसर्गिक शेतीमुळे कृषी क्षेत्रात कायापालट घडून येईल, असा प्रधानमंत्री नरेंद्र मोदी यांना विश्वास
Image
सरकारी तपास यंत्रणांनी बजावलेल्या समन्सला संसद सदस्य टाळू शकत नाहीत- सभापती एम. व्यंकय्या नायडू
Image